కన్నడ పరిశ్రమలోని ఓ అగ్రనటుడిపై తెలుగులో ఓ చోటా నటుడు అవాకులూ చవాకులూ పేలడం ఇప్పుడు పెద్ద చర్చనీయాంశమైంది. అతని వ్యాఖ్యాలకు కన్నడ హీరోలంతా ఆగ్రహోదగ్రులయ్యారు. వివరాల్లోకి వెళితే కన్నడ నటుడు విష్ణువర్దన్ పై తెలుగు నటుడు విజయ్ రంగరాజు అనుచితమైన వ్యాఖ్యలు చేశారు. పైగా విష్ణువర్దన్ జీవించి లేరు కూడా. అలాంటి వ్యక్తిపై ఇప్పుడు వ్యాఖ్యలు చేయడం కన్నడ నటుల ఆగ్రహానికి కారణమైంది. విష్ణవర్ధన్ వ్యక్తిగత జీవితంపై చేసిన వ్యాఖ్యలివి.
దీనిపై కన్నడ హీరోలు పునీత్ రాజ్ కుమార్, సుధీప్, యశ్, ఉపేంద్ర, నటి సుమలత స్పందించారు. కర్ణాటకలోని విష్ణువర్ధన్ అభిమానులు కూడా ఆగ్రహంతో ఊగిపోతున్నారు. ఇతని వ్యాఖ్యలపై సుధీప్ ఓ వీడియో కూడా విడుదల చేశారు. మన తెలుగు పరిశ్రమ కూడా స్పందించింది. నటుడు సీనియర్ నరేష్ కూడా వీడియో విడుదల చేశారు. విజయ్ రంగరాజుపై సోషల్ మీడియా అంతా ట్వీట్లతో హోరెత్తిపోతోంది. సాటి నటులను గౌరవించి మాట్లాడటం నటుడికి ఉండాల్సిన ప్రధాన లక్షణమని వీరు వ్యాఖ్యానించారు.
తవిజయ్ రంగరాజు పై చర్యలు తీసుకోవాలని విష్ణువర్ధన్ అల్లుడు అనిరుద్ధ జట్కర్ తెలుగు సినీ ప్రముఖుల్ని కోరారు. అక్కడితో ఆగలేదు కన్నడ ఫిలిం ఛాంబర్ ఆఫ్ కామర్స్ లో కూడా కేసు నమోదైంది. తన వ్యాఖ్యలపై ఇంతలా దుమారం రేగుతుందని విజయ్ రంగరాజు ఊహించలేదు. ఆయన కన్నీటి పర్యంతమవుతున్నారు. తనను క్షమించమని కోరుతున్నారు. దీనిపై ఆయన కూడా వీడియో విడుదల చేశారు. కాళ్లు పట్టుకుంటా వదిలేయండి అంటూ ఆయన వేడుకుంటున్నారు.
Also Read: కన్నడ స్టార్ హీరోపై కన్నేసిన‘అర్జున్ రెడ్డి’ దర్శకుడు
Jaggesh, Puneeth Rajkumar and Sudeep demand apology from Vijay Rangaraju for his unsavoury comments on Vishnuvardhan. pic.twitter.com/4XnpSCr28P
— Siddegowda Shyam Prasad | ಎಸ್ ಶ್ಯಾಮ್ ಪ್ರಸಾದ್ | (@ShyamSPrasad) December 12, 2020
