బిగ్ బాస్ 4 రసవత్తర ప్రక్రియకు చేరువైంది. సినిమాలు ఎలాగూ లేవు కాబట్టి ఇళ్లల్లో ఉన్న అందరికీ ఇది మంచి కాలక్షేపం బఠాణీలు లాగా కనిపిస్తోంది. ఈ వారంతో బిగ్ బాస్ 12 వారాలు పూర్తయిపోతుంది. ఎలిమినేషన్ నామినేషన్ ప్రక్రియ ప్రారంభమైంది. నలుగురికి నామినేషన్ దక్కింది. ఈ ప్రక్రియ టోపీల ఆధారంగా జరిగింది. ఆకు పచ్చ, ఎరుపు టోపీలు ఇందులో కీలకపాత్ర పోషించాయి. బిగ్ బాస్ టాస్క్ ప్రకారం ముగ్గురు నామినేట్ అయ్యారు. ఒకరికి సెల్ఫ్ నామినేషన్ దక్కింది. ఇందాక టోపీలు అనుకున్నాం కదా.. వాటిలో గ్రీన్ టోపీ వచ్చినందున సోహైల్, మోనాల్ సేవ్ అయ్యారు. ఇక మిగిలిన వారిలో అభిజిత్, అఖిల్,అరియానా ఎర్ర టోపీలు వచ్చి నామినేట్ కావలసి వచ్చింది. వీరిలో ఒకరికి త్యాగం అవకాశం వచ్చింది.
అభిజిత్ ను రక్షించేందుకు తనను తాను త్యాగం చేసుకోడానికి మోనాల్ సిద్ధపడింది. హారిక కెప్టెన్ కాబట్టి ఆమె నామినేట్ అయ్యే అవకాశం రాలేదు. ఇప్పటిదాకా అభిజిత్ పై అందరికీ సదభిప్రాయం ఉంది. రాముడు మంచి బాలుడు తరహాలో అతను పేరు తెచ్చుకున్నాడు. విజేతగా నిలవాలంటే చాలా మటుకు దొంగ దారులు వెతుక్కునే జనాలు కూడా ఎక్కువే. అభిజిత్ అలాంటి మార్గాల్లోకి వెళ్లబోతున్నాడా అన్న అనుమానాలు కూడా ఉన్నాయి. అతనికి ఎక్కువ ఓట్లు పోలై లీడింగ్ లో ఉన్నాడు. ఎలిమినేషన్ నుంచి బయట పడాలంటే ఈ ఓట్టు కూడా కీలకం. బిగ్ బాస్క్ టాస్క్ ల విషయంలోనూ అతను పెద్ద చురుకుగా వ్యవహరించిన దాఖలాలు లేవు. గతంలో కొందరు డిజిటల్ టీమ్ లతో గిమ్మిక్కులు చేసి విజయానికి చేరువయ్యారు.
విజేతగా నిలవాలంటే ఆ మాత్రం ప్రయత్నం ఉండాలనే వాదన కూడా ఉంది. అభిజిత్ కూడా అలాంటి టీమ్ ల మీద ఆధారపడుతున్నాడన్న అభియోగాలు ఇంకో పక్క ఉన్నాయి. మొత్తానికి ఏదో ఒక విధంగా అతను బయటపడుతున్నాడు. అలా కాకుండా తనకున్న మంచి పేరుతోనే అతను విజేతగా నిలిస్తే అతన్ని అభిమానించే వారికి ఆనందంగా ఉంటుంది. ఇక ఎలిమినేషన్ విషయానికి వస్తే ఈ వారం అవినాష్ ఎలిమినేషన్ పైనే అందరి దృష్టీ ఉంది. అతనికే ఎక్కువ అవకాశం ఉందని అందరూ భావిస్తున్నారు. అతను కాని పక్షంలో అరియానా, అఖిల్ లలో ఒకరు టార్గెట్ కావడానికి అవకాశం ఎక్కువ ఉంది. 17.97 శాతం ఓట్లతో అవినాష్ చివరి స్థానంలో ఉన్నాడు.
Must Read ;- నోరు పారేసుకున్న నోయల్.. ఈ రోజు ఎలిమినేషన్ లేదు
