DSC నియామకాలపై సోషల్ మీడియా వేదికగా YCP, బ్లూ మీడియా కొద్ది రోజులుగా చేస్తున్న ఫేక్ ప్రచారాలు, అర్థంపర్థం లేని ఆరోపణలకు కూటమి ప్రభుత్వం తరఫున గట్టి కౌంటర్ ఇచ్చింది. రాజకీయంగా వస్తున్న తప్పుడు విమర్శలను కేవలం మాటలతో కాకుండా, పూర్తి వాస్తవాలు, నిక్కచ్చిగా వ్యవహరించే పనితీరుతో ఇద్దరు సమర్థులైన మహిళా అధికారులు దీటుగా తిప్పికొట్టారు. వైసీపీ దుష్ప్రచారాలను అడ్డుకోవడంలో ఈ లేడి సింగమ్స్ వ్యవహరించిన తీరు ఇప్పుడు రాష్ట్రవ్యాప్తంగా రాజకీయ వర్గాల్లో హాట్ టాపిక్ అయింది.
వైసీపీ ఫేక్ నరేటివ్‌కు ప్రధానంగా శాప్ MD భరణి తనదైన శైలిలో కౌంటర్ ఇచ్చారు . తమిళనాడులోని కోయంబత్తూరుకు చెందిన ఈ IFS అధికారిణి, మాజీ సైన్యాధికారి తండ్రి, రిటైర్డ్ టీచర్ అయిన తల్లి స్పూర్తితో ముందుకు సాగుతున్నారు. 2020లో IFSగా ఎంపికైన భరణి ప్రస్తుతం రాష్ట్ర క్రీడాప్రాధికార సంస్థ వైస్ ఛైర్మన్, ఎండీగా, యువజన సేవల శాఖ కమిషనర్‌గా బాధ్యతలు నిర్వర్తిస్తున్నారు. చిన్నతనం నుంచి అలవాటైన శారీరక దృఢత్వం, పరిపాలనలో పట్టుదల ఆమె సొంతం. కేవలం అడ్మినిస్ట్రేషనే కాకుండా, ప్రపంచంలోని అత్యంత ఎత్తైన పర్వతాలను అధిరోహించే సాహస లక్ష్యాలతో దూసుకెళ్తున్న భరణి, ప్రతిపక్షాల ఆరోపణలను కూడా అదే తెగింపుతో ఎదుర్కొన్నారు.
మరోవైపు, పాఠశాల విద్యాశాఖ డైరెక్టర్‌గా బాధ్యతలు నిర్వహిస్తున్న 2015 బ్యాచ్ IAS అధికారిణి తమీమ్ అన్సారియా తన పరిపాలనా అనుభవంతో విమర్శలకు చెక్ పెట్టారు. కంప్యూటర్ సైన్స్‌లో B.E, JNUలో పబ్లిక్ మేనేజ్‌మెంట్‌లో M.A పూర్తి చేసిన అన్సారియా, శ్రీకాకుళం మున్సిపల్ కమిషనర్‌గా, అన్నమయ్య జిల్లా జాయింట్ కలెక్టర్‌గా, శ్రీశైలం ప్రాజెక్ట్ స్పెషల్ కలెక్టర్‌గా, అలాగే ప్రకాశం, గుంటూరు జిల్లాల కలెక్టర్‌గా అద్భుతమైన సేవలు అందించారు. గతంలో సామాజిక సమస్యలపై సున్నితంగా స్పందించడం, విద్యా రంగంలో పారదర్శకత కోసం పనిచేయడం అన్సారియా స్పెషాలిటి.
బలమైన నేపథ్యం, అంకితభావం ఉన్న ఇద్దరు మహిళా అధికారులు రంగంలోకి దిగడంతో వైసీపీ వర్గాల విమర్శలన్నీ ఒక్కసారిగా నీరుగారిపోయాయి. DSC ప్రక్రియపై ప్రతిపక్షాలు చేస్తున్న తప్పుడు ప్రచారాలను చట్టబద్ధంగా, అవాస్తవాలను ఎండగడుతూ ప్రభుత్వ పారదర్శకతను మరోసారి నిరూపించారు. కేవలం ఆఫీసులకే పరిమితం కాకుండా బాధ్యతాయుతంగా వ్యవహరించే ఈ లేడి సింగమ్స్ తమ పనితీరుతోనే బలమైన సమాధానం చెప్పారు.
మొత్తానికి, రాజకీయ దురుద్దేశంతో వైసీపీ చేస్తున్న ఫేక్ ప్రచారాలను ఈ ఇద్దరు అధికారులు సమర్థంగా ఎదుర్కొన్న తీరు ప్రభుత్వానికి పెద్ద అసెట్‌గా మారింది. ఒకవైపు క్రీడా, యువజన సేవల శాఖలో తనదైన దూకుడు చూపిస్తున్న భరణి, మరోవైపు విద్యాశాఖలో పకడ్బందీ చర్యలు చేపడుతున్న తమీమ్ అన్సారియా…విపక్షాల ఆరోపణలను తిప్పికొట్టడంతో సోషల్ మీడియాలో వైసీపీ చేస్తున్న దుష్ప్రచారానికి పూర్తిస్థాయిలో బ్రేక్ పడింది.
