నటుడు, దర్శకుడు పోసాని కృష్ణ మురళి రాజంపేట జైలులో రిమాండ్ ఖైదీగా ఉన్నారు. ఆయన తీవ్ర అస్వస్థతకు గురయ్యారని వెంటనే పోలీసులు ప్రభుత్వ ఆసుపత్రికి తరలించారు. ఈసీజీ, 2డీ ఎకోతోపాటు అన్ని పరీక్షలు చేయించారు.. డాక్టర్లు క్లీన్ చిట్ ఇచ్చారు.. ఆయన ఎలాంటి అస్వస్థతకు గురి కాలేదని, ఆరోగ్యం బాగానే ఉందని తెలిపారు.. ఛాతీ నొప్పితో గత కొంతకాలంగా బాధ పడుతున్నారు పోసాని.. దీంతో, పోలీసులు వెంటనే కంగారు పడి, ఆయనని ఆసుపత్రికి తరలించారు.. వైద్య పరీక్షల అనంతరం పోలీసులు ఊపిరి పీల్చుకున్నారు.. అంతేకాదు, వారికి పలు నిజాలు కూడా తెలిశాయి..
పోసాని డ్రామా ఆడుతున్నారని, అస్వస్థతకి గురికావడం అబద్ధమని, ఆయన ఆరోగ్యంగా ఉన్నారని పోలీసులు సీరియస్ అయ్యారు.. పోసాని ఉదయం కడుపులో నొప్పి అంటే వెంటనే రాజంపేట ఆసుపత్రికి తరలించామని, అక్కడి నుండి కడప ఆసుపత్రిలోనూ చికిత్స చేయించామని, ఆయనకు ఎలాంటి అనారోగ్యం లేదని వివరించారు రాజంపేట సీఐ వెంకటేశ్వర్లు.. అన్ని వైద్య పరీక్షలు చేసిన తర్వాత వైద్యులు వివరించారని, పోసాని ఆరోగ్యానికి ఎలాంటి ఢోకా లేదని వివరించారు సీఐ. ఆయనది అంతా నాటకమని తేల్చిపారేశారు వైద్యులు..
పోసాని బేసిక్గా నటుడు.. డైరెక్టర్ కూడా.. ఈ అనుభవంతోనే ఆయన డ్రామాలు చేస్తున్నాడని అంచనా వేస్తున్నారు పోలీసులు.. ఎలాంటి స్క్రిప్ట్ లేకుండానే అద్భుత నటనా ప్రదర్శన కనబరుస్తున్నారని భావిస్తున్నారు.. నోటీసులతో ఆయన ఇంటికి వెళ్లిన తర్వాత పోలీసులతో ఇలాంటి డ్రామానే ప్లే చేశారు పోసాని.. తాను సహకరించేది లేదని, తనపై ఎలాంటి కేసులు లేవని వితండ వాదానికి దిగారు.. పోలీసులు నోటీసులు చూపిన తర్వాత వెనక్కి తగ్గారు.. తాజాగా తనలోని వృత్తిని, రాజకీయ ప్రవృత్తిని బయట పెట్టుకున్నాడు పోసాని.. అనారోగ్యం డ్రామాతో పోలీసుల రిమాండ్ నుండి తప్పించుకొని ఆసుపత్రిలో ఉండేలా ప్లాన్ చేసినట్లు పోలీసులు భావిస్తున్నారు.. ఇది ఆయనకు వచ్చిన ఆలోచనో లేక, ఆయన అడ్వకేట్లు ఇచ్చిన సలహానో తెలియదు కానీ, పోసాని రియల్ డ్రామా ఆడారు..
సినిమాలలో కమెడియన్ హీరోకి ఎలా దొరికిపోతాడో, సేమ్ టు సేమ్.. మెంటల్ కృష్ణ రియల్ లైఫ్లోనూ అడ్డంగా బుక్ అయ్యాడని చెబుతున్నారు పరిశీలకులు.. రీల్పై ఆయన డైరెక్ట్ చేసినట్లు కేరక్టర్లు డ్రామా ప్లే చేస్తాయి.. పోలీసులు అయినా, డాక్టర్లు అయినా.. కానీ ఇది రియల్ లైఫ్.. అందుకే, పోసాని డ్రామాని ఆధారాలతో సహా బయటపెట్టారు రాజంపేట పోలీస్ అధికారులు. పోసాని రియల్ లైఫ్ నటన చూసి పోలీసులకి ఏంట్రా బాబు వీడు ఇంత టాలెంటెడ్గా ఉన్నారనే డైలాగ్ గుర్తుకు వచ్చిందట.. మార్చి 12వ తేదీ వరకు పోసాని రిమాండ్లో ఉండాలి.. మరి, అప్పటికి ఇంకా ఎన్ని స్కిట్లు, డ్రామాలు ఆడతాడో అని పోలీసులు టెన్షన్ పడుతున్నారు..
