ఆస్ట్రేలియా పర్యటనకు భారత్ క్రికెట్ జట్ల ఎంపిక పై దుమారం రేగుతోంది. సునీల్ జోషి సారథ్యంలోని సెలెక్షన్ కమిటీ పై మాజీలు విమర్శలు గుప్పిస్తున్న సంగతి తెలిసిందే. ఆటగాళ్ల ఎంపికకు పాటించిన ప్రమాణాలపై ఒకరు.. ఐపీఎల్ ప్రదర్శనను టెస్టులకు ఎలా పరిగణిస్తారని మరొకరు.. ప్రతిభావంతుడి సెలెక్షన్ తప్పు బట్టడం సరికాదంటూ ఇంకొకరు మాటలు దూశారు.
‘ప్రస్తుత దేశంలో అత్యంత ప్రతిభావంతుల్లో ఒకడైన సూర్య కుమార్ ను ఎంపిక చేయక పోవడం ఆశ్చర్యం కలిగించింది. బ్యాటింగ్ నైపుణ్యం పరంగా చూస్తే టీమ్ ఇండియా అత్యుత్తమ ఆటగాడితో సూర్య కుమార్ ను పోల్చుకోవచ్చు. నిలకడగా పరుగులుు సాధిస్తున్నాడు. భారత జట్టులో స్థానం కోసం ఇంతకంటే ఏం చేయాలో నాకు తెలియట్లేదు. తన కెరీర్ లో సూర్య అత్తుత్తమ ప్రతిభ కనబరుస్తున్నాడు. ఎంపికకు ఫామ్, ఫిట్ నెస్ ప్రమాణాలు కాకుండా ఇంకేముంటాయి? గాయం కారణంగా రోహిత్ శర్మ ఎలాగూ జట్టుకు దూరమయ్యాడు. అతడి స్థానంలో సూర్య తో మిడిలార్డర్ ను పటిష్టం చేయోచ్చు . సూర్యను ఎంపిక చేయకపోవడం వెనుకు ఉద్దేశమేంటో బీసీసీఐ అధ్యక్షుడు గంగూలీ సెలక్షన్ కమిటీని ప్రశ్నించాలి’ అంటూ వెంగ్ సర్కార్ అన్నారు.
టీమ్ ఇండియాకు ఎంపిక అవ్వాలంటే సూర్య కుమార్ ఇంకేం చేయాలో అర్థం కావడం లేదు. ప్రతీ సీజన్ లోనూ రాణిస్తున్నాడు. రంజీల్లోనూ మంచి ప్రదర్శన చేస్తున్నాడు. బీసీసీఐ సెలక్టర్లు అతడి రికార్డులను పరిశీలించండి అంటూ హర్భజన్ సింగ్ కోరారు.
సూర్యను ఎంపిక చేయకపోవడం బాధకరం. అతడి ఆటను ఎందుకు గుర్తించలేకపోతున్నారు. సూర్య నువ్వు ధైర్యంతో, సహనంగా ఉండు అంటూ రవి శాస్త్రి పేర్కొన్నారు.
ఒక కుర్రాడు మూడో స్థానంలో వచ్చి అలాంటి స్ట్రైక్ రేట్ తో ఆడడం ఎలా ఉంటుందో ఊహించుకోండి. ఒక వైపు వికెట్లు పడుతున్నా మరోవైపు ఒంటరి పోరాటం చేశాడు. అతడు నిలకడగా ఆడటమే మాకు చేసే అత్యంత మేలు. ఒక ఆటగాడిగా ఇలా నిలకడగా ఆడుతుంటే రివార్డులు వాటంతట అవే వస్తాయి. నేనేం చేయాలని జట్టు ఆశిస్తుందో అదే చేస్తాను. జట్టు బాగా ఆడితే సంతోషంగా ఉంటా. ఇక సూర్య గురించి మాట్లాడాలంటే టీమ్ ఇండియాకు ఎంపిక చేయకపోవడం పట్ల ఎంతో నిరాశ చెంది ఉంటాడని కీరన్ పొలార్డ్ అన్నారు.
Surya namaskar 🙏🏻. Stay strong and patient @surya_14kumar #MIvsRCB pic.twitter.com/oJEJhekwpC
— Ravi Shastri (@RaviShastriOfc) October 28, 2020
