స్టైలిష్ స్టార్ అల్లు అర్జున్ ‘పుష్ప’ ఫస్ట్ సింగిల్ వచ్చేసింది. ఎర్ర చందనం స్మగ్లింగ్ నేపథ్యంలో రూపొందే ఈ సినిమా రెండు పార్ట్ లుగా విడుదలవుతోంది. ఇందులో డ్రైవర్ పుష్పరాజ్ పాత్రను అల్లు అర్జున్ పోషిస్తున్నారు. దీని టీజర్, ఫస్ట్ లుక్ పోస్టర్ల తర్వాత ఫస్ట్ సింగిల్ ను ఈరోజు ఉదయం విడుదల చేశారు. ఈ పాన్ ఇండియా ప్రాజెక్టు ఈ ఏడాది క్రిస్మస్ కు విడుదలవుతోంది. ఈ సినిమాలోని మొదటి పాట ‘దాక్కో దాక్కో మేక’ అనే పాటను విడుదల చేశారు. ఈ పాట ప్రోమోను విడుదల చేయగానే విపరీతమైన స్పందన లభించింది.
దేవిశ్రీ ప్రసాద్ సంగీత సారథ్యంలో ఐదు భాషల్లో ఐదుగురు సింగర్స్ దీన్ని పాడారు. సుకుమార్ దర్శకత్వంలో పాన్ ఇండియా ప్రాజెక్టుగా ఈ చిత్రం తెరకెక్కుతోంది. 2020 జనవరిలో ‘అలవైకుంఠపురములో’ తర్వాత విడుదలయ్యే అల్లు అర్జున్ సినిమా ఇది. వచ్చే ఏడాది సంక్రాంతి బరిలోకి దించుదామనుకుంటే ఆ సమయంలో పోటీ విపరీతంగా ఉండటంతో ఇంకా ముందే విడుదల చేయటానికి చిత్రయూనిట్ నిర్ణయించుకుంది. విడుదలైన పది నిమిషాల వ్యవధిలోనే రెండు లక్షల వ్యూస్ ని తెలుగు పాట కొల్లగొట్టేసింది. ఆదిత్య మ్యూజిక్ ద్వారా ఈ పాట విడుదలైంది. ఈ సినిమా ఆడియో హక్కులను ఆదిత్య మ్యూజిక్ సొంతం చేసుకుంది.
ఊర మాస్ తో ‘అల్లు’ వ్యూస్ కొల్లగొట్టడమే..
ఇక ఈ పాట ఎలా ఉంది అని అడిగితే వ్యూస్ కొల్లగొట్టడమే లక్ష్యం అని చెప్పొచ్చు. పూనకంతో పుష్పరాజ్ గా అల్లు అర్జున్ ఊర మాస్ రేంజ్ లోనే ఊగిపోయాడు. మొత్తానికి చంద్రబోస్ తనదైన శైలిలోనే ఈ పాటను రాశారు. అహ్హ హ్హా.. వెలుతురు తింటది ఆకు.. ఆకును తింటది మేక.. మేకను తింటది పులి.. ఇది కదారా ఆకలి.. పులినే తింటది చావు..చావును తింటది కాలం.. కాలాన్ని తింటది కాళీ.. ఇది మహా ఆకలి.. వేటాడేది ఒకటి పరుగెట్టేది ఇంకొకటి.. దొరికిందా ఇది సస్తది.. దొరక్కపోతే అది సస్తాది.. ఒక జీవికి ఆకలేసిందా ఇంకో జీవికి ఆయువు మూడిందే.. దాక్కో దాక్కో మేక.. పులొచ్చి కొరుకుద్ది పీక..’ పదునైన పదజాలంతో పాట సాగుతుంది.
జీవులు మనుగడ కోసం చేసే పోరాటాన్ని ప్రతిఫలించేలా సాహిత్యం ఉంది. ఇందులో విజువల్స్ కూడా వండర్ అనిపిస్తాయి. లార్ డ్రైవర్ గా పుష్పరాజ్ కనిపించడం, ఎర్రచందనం దుంగల్ని ఎత్తుకెళ్లడం.. లాంటి యానిమేటెడ్ విజువల్స్ కూడా చూపారు. అమ్మవారి జాతరలో సాగేలా ఈ పాట ఉంది కాబట్టి నేపథ్యం అదే కావచ్చు. అడవిలో గొడ్డలి చేత్తో పట్టుకుని అల్లు అర్జున్ ఊగిపోయాడు. హీరో నైజం ఏమిటో పాటలోనే చూపే ప్రయత్నాన్ని సుకుమార్ చేశారు. దీనికి డీఎస్పీ ఊర మాస్ బాణీని అందించారు.
ఇప్పుడు మారెట్లో వ్యూస్ పోటీ మొదలైంది అనుకోవచ్చు. ఇటీవలే మల్టీస్టారర్ సినిమా ట్రిపుల్ ఆర్ లోని దోస్తీ సాంగ్ విడుదలైన సంగతి తెలిసిందే. ఇప్పుడు ఈ పాట.. ఇక రేస్ మొదలైందని అనుకోవచ్చు. బన్సీ ఫ్యాన్స్ కు మాత్రం ఇది ఫీస్ట్ అనే చెప్పాలి. మైత్రీ మూవీ మేకర్స్ నిర్మించే ఈ చిత్రంలో రష్మిక మందన్నా హీరోయిన్. మలయాళ హీరో ఫాహద్ ఫాజిల్ విలన్గా మొట్టమొదటిసారి తెలుగు తెరపై కనిపించబోతున్నారు. తెలుగులో శివం ఈ పాటని పాడారు. పాటలో అల్లు అర్జున్ హావభావాలు గూస్ బంప్స్ తెప్పిస్తాయి.
The AXE has been sharpened for #PushpaRaj's hunt 🪓🎵#PushpaFirstSIngle is out now 🔥
Telugu:https://t.co/QUrnjGWGaD
Hindi:https://t.co/6ollTMT9B2
Tamil:https://t.co/BR5VXzsRP8
Malayalam:https://t.co/gXbFrgLTG8
Kannada:https://t.co/GXLSY7gwhiA Rockstar @ThisIsDSP Musical 🎶 pic.twitter.com/WWSKt4Ctmn
— Aditya Music (@adityamusic) August 13, 2021
