ఆరోగ్యం మహాభాగ్యం అన్నారు పెద్దలు. ఆరోగ్యం కోసం కొందరు జాగింగ్, మరికొందరు స్విమ్మింగ్, ఇంకొందరు జిమ్స్ బాట పడుతుంటారు. ఆరోగ్యంగా ఉండాలంటే.. ఈవేమీ పాటించనకర్లేదు. కేవలం సూర్య నమస్కారాలు చేస్తే చాలు.. ప్రతిరోజు హాయిగా, ఆరోగ్యంగా ఉండొచ్చు.
సూర్య నమస్కారం.. పేరు ఒక్కటే అయినా.. ఇందులో 12 రకాల ఆసనాలు ఉంటాయి. ఈ పన్నెండు చేస్తే నరాల వ్యవస్థ బాగుంటుంది. బాడీలోని ప్రతి పార్ట్ పై ప్రభావం పడి, చురుగ్గా ఉండేలా చేస్తుంది.
ఆరోగ్య ప్రయోజనాలు
సూర్య నమస్కారాలతో ఎముకలు, కండరాలు బలోపేతమై ఆరోగ్యంగా ఉండటమే కాకుండా, మధుమేహం, బీపీ, గుండె జబ్బుల నుంచి కూడా ఉపశమనం కలుగుతుంది. సూర్య నమస్కరాల్లో కొన్నింటిని నెమ్మదిగా చేయాలి. మరి కొన్నింటిని వేగంగా చేయాలి. వేగంగా చేసే భంగిమల్లో కండరాలకు మేలు జరుగుతుంది. ఏరోబిక్స్ తో సమానమైన ఫలితాలు సాధించవచ్చు. నెమ్మదిగా చేసే సూర్య నమస్కారాలు శ్వాస నియంత్రణకు ఉపయోగపడతాయి. ఎక్కువ గాలిని పీల్చి, వదలడం ద్వారా ఊపిరితిత్తుల సామర్థ్యం పెరుగుతుంది. అధిక బరువు తగ్గడం, జీర్ణ ప్రక్రియ మెరుగు పడుతుంది. ప్రశాంతత కూడా లభిస్తుంది. సూర్య నమస్కారాలు శరీర భాగాలపైనే కాకుండా గ్రంధులపైనా పని చేస్తాయి. థైరాయిడ్, పార్థరాయిడ్, పిట్యూటరీ వంటి గ్రంధులు సాధారణ స్థాయిలో పని చేయడానికి ఎంతో ఉపకరిస్తాయి.
ఎలా చేయాలి?
- నమస్కారాసనం : సూర్యునికి ఎదురుగా నమస్కారం చేస్తున్నట్లు నిలబడి సూర్యుని నామం ఉచ్ఛరించాలి.
- హస్త ఉత్తానాసనం : కొద్దిగా శ్వాస పీల్చి రెండు చేతులను పైకెత్తి, తలను, నడుమును వెనుకకు వంచాలి. కాళ్ళు వంచకూడదు.
- పాదహస్తాసనం : శ్వాస వదలి రెండు చేతులను కాళ్ళకు దగ్గరగా భూమిమీద ఆనించి, తలను మోకాలుకు ఆనించాలి.
- ఆంజనేయాసనం : ఎడమ మోకాలును వంచి పాదాన్ని నేలపై ఉంచి, కుడి పాదాన్ని వెనుకగా వేళ్ళపై ఆనించి, రెండు చేతులను పైకి చాపి, నడుము పైభాగాన్నంతా వెనుకకు వంచాలి. ఈ స్థితిలో శ్వాసను పీల్చి లోపలే ఆపాలి.
- పర్వతాసనం : కాళ్ళు, చేతులు నేలమీద ఆనించి, నడుము పైకి ఎత్తి శ్వాస వదలి తిరిగి పీల్చాలి.
- సాష్టాంగ నమస్కారం : రెండు కాళ్ళు, రెండు మోకాళ్ళు, రెండు చేతులు, రొమ్ము మరియు గడ్డం – ఈ ఎనిమిది అంగాలు నేలమీద ఉంచి నడుమును కొద్దిగా పైకి లేపాలి. శ్వాసను పూర్తిగా బయటకు వదలి ఆపాలి.
- సర్పాసనం : శ్వాసను పీల్చి తలను వెనుకకు వంచాలి.
- పర్వతాసనం : ఐదో స్థితివలెనే కాళ్ళు చేతులు నేలమీద ఆనించి నడుమును పైకి ఎత్తి శ్వాస వదలి తిరిగి పీల్చాలి.
- ఆంజనేయాసనం : నాలుగో స్థితివలెనే కుడి పదాన్ని నేలపై ఉంచి, మోకాలును మడచి, ఎడమ పాదాన్ని వెనుకగా వేళ్ళపై ఆనించి, రెండు చేతులను, తలను, నడుమును వెనుకకు వంచాలి.
Silhouette of a fitness woman stretching at sunset with the sun in the background - పాదహస్తాసనం : మూడో స్థితివలెనే రెండు చేతులను కాళ్ళ దగ్గరగా నేలపై ఆనించి తలను మోకాలుకు ఆనించాలి. శ్వాసను బయటకు వదలి ఆపాలి.
- హస్త ఉత్తానాసనం : రెండో స్థితివలెనే రెండు చేతులను పైకెత్తి, తలతోపాటు రెండు చేతులను వెనుకకు వంచాలి.
- నమస్కారాసనం : నిటారుగా నిలబడి నమస్కారం చేయాలి.
Also Read : అరవైలో ఇరవైలా : పట్టులాంటి చర్మం కోసం
