No Clarity About Sarkaru Vaari Paata Release Date
సంక్రాంతికి భారీ చిత్రాలు పోటీపడుతున్న విషయం తెలిసిందే. పాన్ ఇండియా స్టార్ ప్రభాస్ రాధేశ్యామ్, సూపర్ స్టార్ మహేష్ బాబు సర్కారు వారి పాట, పవర్ స్టార్ పవన్ కళ్యాణ్ భీమ్లా నాయక్ సంక్రాంతికి వస్తున్నట్టు ప్రకటించారు. వీటితో పాటు సినీ అభిమానులు అందరూ ఎంతో ఆతృతగా ఎదురు చూస్తున్న ఆర్ఆర్ఆర్ సినిమా కూడా సంక్రాంతికి వస్తున్నట్టుగా ప్రకటించారు దర్శకధీరుడు రాజమౌళి. దీంతో ఈ సంక్రాంతికి బాక్సాఫీస్ దగ్గర రసవత్తరమైన పోటీ ఏర్పడనుందని.. ఇందులో ఏ సినిమా భారీ విజయం సొంతం చేసుకుంటుంది అనేది అటు అభిమానుల్లోనూ ఇటు ఇండస్ట్రీలోనూ ఆసక్తిగా మారింది.
అయితే.. మహేష్ సర్కారు వారి పాట, పవన్ కళ్యాణ్ భీమ్లా నాయక్ పోటీ నుంచి తప్పుకుంటున్నాయని.. సంక్రాంతికి రావడం లేదని టాక్ వినిపించింది. విజయ దశమి సందర్భంగా భీమ్లా నాయక్ నుంచి సెకండ్ సింగిల్ పాట రిలీజ్ చేశారు. ఈ పాట విడుదల సందర్భంగా భీమ్లా నాయక్ సంక్రాంతి వస్తున్నట్టుగా మరోసారి ప్రకటించారు. ప్రభాస్ రాధేశ్యామ్ మూవీ కూడా సంక్రాంతికి రావడం పక్కా అని తేల్చేశాయి.
No Clarity About Sarkaru Vaari Paata Release Date
ఇక తేలాల్సింది సర్కారు వారి పాట గురించే. సూపర్ స్టార్ మహేష్ బాబు హీరోగా పరశురామ్ తెరకెక్కిస్తున్న సర్కారు వారి పాట సంక్రాంతికి రానున్నట్టుగా అందరి కంటే ముందుగా ప్రకటించారు. అయితే.. రాజమౌళి కోసం మహేష్ బాబు సర్కారు వారి పాట విడుదలను వాయిదా వేస్తున్నారని టాలీవుడ్ లో గట్టిగా టాక్ వినిపిస్తోంది. దీంతో సర్కారు వారి పాట సంక్రాంతికి వస్తుందా..? వాయిదా పడుతుందా..? అనేది ఆసక్తిగా మారింది. పవన్ క్లారిటీ ఇచ్చాడు. మరి.. మహేష్ కూడా త్వరలోనే క్లారిటీ ఇస్తారేమో చూడాలి.
