హెల్మెట్ పెట్టుకోవాలా? పెట్టుకోకపోతే ఏమవుతుందిలే.. అని నిర్లక్ష్యంగా ఉండే వారిపై కొరడా ఝులిపించడానికి సైబరాబాద్ పోలీసులు సర్వం సిద్ధం చేశారు. ఇకపై హెల్మెట్ లేకుండా పట్టుబడితే.. మీ లైసెన్స్కి మూడినట్లే.
హెల్మెట్ లేకుండా మొదటి సారి పట్టుబడితే.. మూడు నెలలు పాటు లైసెన్స్ రద్దు చేస్తారు. దీన్ని దృష్టిలో ఉంచుకుని ఆ తర్వాత నుంచైనా పద్దతి మార్చుకుంటే సరి. ఒకవేళ రెండో సారి హెల్మెట్ ధరించకుండా పోలీసుల కంట పడ్డారా ఇక అంతే సంగతులు.. శాశ్వతంగా లైసెన్స్ రద్దుచేసేందుకు సిద్దమవుతున్నారు పోలీసులు. డ్రైవింగ్ చేస్తున్న వారే కాదు.. బైక్లో వెనకల ప్రయాణిస్తున్న వారికి కూడా హెల్మెట్ తప్పని సరి అని పోలీసులు చెప్తున్నారు. మరి హెల్మెట్ ఏముందిలే అనే ధోరణిలో ఉండకండి. పోలీసులు ఇన్ని నియమాలు పెట్టి మన చేత హెల్మెట్ ధరింపజేస్తున్నది మన ప్రాణాల కోసమే అని మరవకండి.
Must Read ;- రోడ్డు ప్రమాదంలో ఇద్దరిని కోల్పోయిన బాధితుడిగా వచ్చాను
