వకీల్ నందాజీ పై మెగాస్టార్ ప్రశంసల జల్లులు

వకీల్ సాబ్ సినిమా పవర్ స్టార్ కు అద్భుతమైన కమ్ బ్యాక్ గా నిలిచిపోయిన సినిమా. ఫస్ట్  డే .. ఫస్ట్ షో నుంచి యునానిమస్ గా సూపర్ హిట్ టాక్ తో దూసుకుపోతోంది సినిమా. తొలిరోజు రికార్డు స్థాయి కలెక్షన్స్ ను నమోదు చేసిన వకీల్ సాబ్..  ఓవర్సీస్ లోనూ అదే రేంజ్ లో వసూళ్ళ వేట సాగిస్తున్నాడు. ఈ సినిమా ఇంతటి స్థాయిలో హిట్టవ్వడానికి ప్రధాన కారణాలు రెండు. ఒకటి  పవన్ కళ్యాణ్ పవర్ ఫుల్ పెర్ఫార్మెన్స్ అయితే .. రెండోది వకీల్ నందగోపాల్ గా నటించిన ప్రకాశ్ రాజ్ నటన అని చెప్పాలి.

పబ్లిక్ ప్రాసిక్యూటర్ గా ఆయన పండించిన అభినయం .. పవర్ స్టార్ అభిమానుల్ని సైతం భలేగా ఆకట్టుకుంది. సెకండాఫ్ నుంచి వచ్చే కోర్ట్ సన్నివేశాల్లో ఇద్దరూ పోటా పోటీగా నటించి.. కోర్ట్ రూమ్ డ్రామాను అద్భుతంగా రక్తి కట్టించారు.  ప్రకాశ్ రాజ్ వాదనకి… అడుగడుగునా..  అబ్జెక్షన్ యువరానర్.. అంటూ పవన్ అడ్డుపడడం.. ప్రకాశ్ రాజ్ మరింతగా ఆయన్ను రెచ్చగొట్టేలా బోనులో ఉన్న వారిని కంగారు పెట్టడం .. వకీల్ సాబ్ హైటైట్స్ లో ఒకటి. అందుకే ఆయన నటనకి మెగాస్టార్ చిరంజీవి సైతం ఫిదా అయిపోయారు.

రీసెంట్ గా వకీల్ సాబ్ సినిమాను, తన కుటుంబ సభ్యులతో కలిసి వీక్షించిన చిరు.. తమ్ముడు పవన్ కళ్యాణ్ నటనని పొగుడుతూ.. ట్వీట్ చేసిన సంగతి తెలిసిందే.  ఇప్పుడు అందులోని ప్రకాశ్ రాజ్ నటనని  చిరంజీవి ప్రశంసించడమే కాకుండా.. ఆయనింటికి పెర్షనల్ గా వెళ్ళి ..  పుష్ప గుచ్ఛాన్ని అందించి ఆయన నటనకి ప్రత్యేకమైన అభినందనలు తెలిపారు. వకీల్ సాబ్ లో.. పవన్ కళ్యాణ్ తో ధీటుగా నటించి.. సినిమా సక్సెస్ లో తానూ ప్రధాన కారణమైనందుకు ప్రకాశ్ రాజ్ మనస్ఫూర్తిగా అభినందిస్తున్నానని, .. ఇందులో ఆయన నటన నిజంగా అద్భుతం అని   చిరంజీవి ట్వీట్ చేశారు.  పవన్ కళ్యాణ్ పాత్ర ఎలివేట్ అవడానికి  ప్రకాశ్ రాజ్ వకీల్ పాత్ర ఎంతో దోహదపడిందని ఆయన తెలిపారు.

Must Read ;- విజయోత్సాహంలో ‘వకీల్ సాబ్’ జరీనా

When you have an actor of @prakashraaj 's caliber, it makes his fellow Artists to also up their game.
His performance in #VakeelSaab was absolutely amazing and he played a great counterpart to @PawanKalyan. Special Congrats to you and Keep rocking Prakash! pic.twitter.com/285EBmYKEz

— Chiranjeevi Konidela (@KChiruTweets) April 12, 2021