ఏపీలోని కడప జిల్లా బద్వేలు ఎమ్మెల్యే డా. వెంకట సుబ్బయ్య కన్నుమూశారు. ఆయన కొంతకాలంగా ఊపిరితిత్తుల సమస్యతో బాధపడుతూ, మూడు నెలలుగా ఇంటికే పరిమితమయ్యారు. రెండు రోజుల క్రితం అస్వస్థతకు గురయ్యారు. కుటుంబ సభ్యులు ఆయనను కడపలోని ఓ ప్రైవేటు దవాఖానకు తరలించారు. చికిత్స పొందుతూ ఆదివారం తెల్లవారుజామున కన్నుమూశారు. ఆయనకు భార్య, ఇద్దరు కుమారులు ఉన్నారు. విషయం తెలుసుకున్న పార్టీ నాయకులు ప్రగాఢ సంతాపం తెలిపారు. గతంలో డాక్టర్‌గా పనిచేసిన వెంకట సుబ్బయ్య.. గత ఎన్నికల్లో వైసీపీ తరఫున ఎమ్మెల్యేగా గెలుపొందారు. వైసీపీ నాయకులు, మంత్రులు, ఎమ్మెల్యేలు సంతాపం తెలిపారు.
Must Read ;- తిరుపతిలో హిట్ కొడితే.. ఏపీలో నాలుగు స్థంభాలాటకు వైసీపీ సిద్ధం?
