లాస్టియర్ ‘అశ్వథ్థామ’ సినిమాతో సాలిడ్ హిట్ అందుకున్నాడు యంగ్ హీరో నాగశౌర్య. ఈ మూవీతో శౌర్య యాక్షన్ హీరో ఇమేజ్ కూడా తెచ్చుకున్నాడు. ఇప్పుడు దానికి ఎక్స్టెన్షన్ అన్నట్టు .. ‘లక్ష్య’ అనే వెరైటీ మూవీతో రాబోతున్నాడు. ఆర్చరీ బ్యాక్ డ్రాప్ లో సాగే.. స్పోర్ట్స్ మూవీగా .. భారీ యాక్షన్ సన్నివేశాలతో సినిమా తెరకెక్కుతోంది. శ్రీ వెంకటేశ్వరా సినిమాస్, యల్.యల్.పీ నార్త్ స్టార్ ఎంటర్ టైన్ మెంట్స్ పతాకాలపై నారాయణదాస్ కె.నారంగ్, పున్కూర్ రామ్మోహనరావు , శరత్ మరార్ సంయుక్తంగా ఈ సినిమాను నిర్మిస్తున్నారు. సంతోష్ జాగర్లపూడి దర్శకత్వంలో ప్రస్తుతం సెట్స్ మీదున్న ఈ సినిమా షూటింగ్ .. చివరిదశలో ఉంది.
ఇంతకు ముందెన్నడూ చూడని గెటప్ లో నాగశౌర్య లక్ష్య లో కనిపిస్తాడు. దాని కోసం అతడు జిమ్ములో గంటల తరబడి వర్కవుట్స్ చేసి.. ఎయిట్ ప్యాక్ బాడీ బిల్డప్ చేశాడు. విల్లంబులు ధరించిన విలుకాడుగా నాగశౌర్య లుక్స్ వైరల్ గా మారాయి. ఎనభై శాతం షూటింగ్ పూర్తి చేసుకొన్న లక్ష్య సినిమాలో కేతిక శర్మ హీరోయిన్ గా నటిస్తోంది. అలాగే.. మరో ముఖ్యమైన పాత్రలో జగపతిబాబు, సచిన్ ఖేడ్కర్ నటిస్తున్నారు. ఒక విధంగా ఈ సినిమా భారతదేశంలోనే మొట్ట మొదటి విలువిద్యా నేపథ్యం కలిగిన సినిమా గా ప్రత్యేకతను సంతరించుకుంది. మరి లక్ష్యతో నాగశౌర్య సినీ కెరీర్ ఏ విధమైన మలుపు తిరుగుతుందో చూడాలి.
Also Read :నాగశౌర్య అంత డిమాండ్ చేస్తున్నాడా?
