యాంగ్రీ హీరో రాజశేఖర్ ‘కల్కి’ తర్వాత మరో సినిమాలో నటించడానికి తగిన కథ కోసం ఎదురుచూస్తున్నారు. అలాగే.. కొందరు యువ దర్శకులు చెప్పే కథలు వింటున్నారు. లాక్ డౌన్ వల్ల ఏడునెలల గ్యాప్ ను తన కూతుళ్ళ సినిమాలు, తన సినిమాల ప్లానింగ్ కోసం వినియోగించుకున్నారు. ఇదిలా ఉంటే.. ఇటీవల రాజశేఖర్, జీవిత, శివానీ, శివాత్మిక లకు కరోనా పాజిటివ్ వచ్చిందని సోషల్ మీడియాలో వార్తలొచ్చాయి. నిన్నటి వరకూ ఇందులో నిజానిజాలేంటో తెలియలేదు.
అయితే తమ ఫ్యామిలీకి కరోనా పాజిటివ్ రావడం నిజమేనని నిర్ధారిస్తూ నేడు రాజశేఖర్ తన ట్విట్టర్ హ్యాండిల్ ద్వారా స్పందించారు. తనకి, జీవిత, పిల్లలిద్దరికీ కరోనా పాజిటివ్ అని కన్ఫామ్ అయిందని.. తాము హాస్పిటల్ లో ట్రీట్ మెంట్ తీసుకుంటున్నామని చెప్పారు. పిల్లలిద్దరూ దాని నుంచి పూర్తిగా కోలుకున్నారు. జీవిత, నాకు కూడా చాలా బెటర్ గా ఉంది. త్వరలోనే మిమ్మల్ని కలుస్తాను. ధన్యవాదాలు అని ట్వీట్ చేశారు.
The news is true that Jeevitha, Kids and I have tested positive for corona and are currently being treated in the hospital.
Both the kids are completely out of it, Jeevitha and I are feeling much better and will be back home soon!
Thank you !— Dr.Rajasekhar (@ActorRajasekhar) October 17, 2020
