టాలీవుడ్ రౌడీ హీరో విజయ్ దేవరకొండ.. కన్నడ సుందరి రష్మికా మందన్న జోడీ ‘గీత గోవిందం’ సినిమాతో మ్యాజిక్ చేసిన సంగతి తెలిసిందే. రష్మికా తెలుగులో కథానాయికగా సెటిల్ అవడానికి దోహదం చేసిన సినిమాల్లో ఇది ప్రధానమైనది. ఇందులో విజయ్ తో రష్మికా పండించిన ఆన్ స్ర్కీన్ రొమాన్స్ కు కుర్రకారు ఫిదా అయిపోయారు. అదే క్రేజ్ తో మళ్ళీ ఈ జంట ‘డియర్ కామ్రేడ్’ లో నటించారు. కానీ ఆ సినిమా వర్కవుట్ కాలేదు. ఇప్పుడు ముచ్చటగా మూడోసారి గీత, గోవింద్ లు మరో సినిమాతో మళ్ళీ రొమాన్స్ కు సిద్ధమవుతుండడం టాలీవుడ్ లో హాట్ టాపిక్ అయింది.
సుకుమార్ దర్శకత్వంలో విజయ్ దేవరకొండ సినిమా ఎప్పుడో అనౌన్స్ అయిన సంగతి తెలిసిందే. ఇందులోనే అతడి సరసన రష్మికా ను కథానాయికగా ఫిక్స్ చేయాలని సుకుమార్ భావిస్తున్నాడట. ప్రస్తుతం బన్నీతో పుష్ప సినిమాలో నటిస్తున్న రష్మికా వర్కింగ్ స్టైల్ కు ముచ్చటపడ్డ సుక్కూ.. విజయ్ సరసన తన తదుపరి చిత్రంకోసం అమ్మడిని హీరోయిన్ గా ఎంపికచేశాడనే టాక్స్ వినిపిస్తున్నాయి. ఒక వేళ ఇదికానీ వర్కవుట్ అయితే.. ఇది విజయ్ తో రష్మికా నటించే హ్యాట్రిక్ మూవీ అవుతుంది. పుష్ప మూవీ చిత్రీకరణ పూర్తవగానే.. సుకుమార్ ఈ సినిమాకి సంబంధించిన ప్రీ ప్రొడక్షన్ వర్క్ ప్రారంభిస్తాడట.
