మహాశివరాత్రి రోజునే శర్వానంద్ ‘శ్రీకారం’

టాలీవుడ్ యువ కథానాయకులలో శర్వానంద్ కి మంచి క్రేజ్ ఉంది. ఆయన ఎంచుకునే కథలు .. పాత్రలు విభిన్నంగా ఉంటాయి. తన కథలు .. పాత్రలు నీట్ గా .. స్పష్టంగా ఉండాలనే నిర్ణయంతో ఆయన ఉంటాడు. కెరియర్ మొదటి నుంచి కూడా చకచకా సినిమాలు చేసేయాలి .. టకాటకా థియేటర్లకు వదలాలనే ఆలోచన ఆయనలో కనిపించదు. తనకి నచ్చిన కథలకు మాత్రమే గ్రీన్ సిగ్నల్ ఇస్తూ ఆయన ముందుకు వెళుతుంటాడు. ఇక తెరపైనే కాదు .. తెర బయట కూడా శర్వానంద్ హడావిడి కనిపించదు. అంటే తన స్వభావానికి తగిన పాత్రలనే ఆయన ఎంచుకుంటూ వెళుతున్నాడని అనుకోవాలి.

కొంతకాలంగా శర్వానంద్ కి సరైన హిట్ పడలేదనే చెప్పాలి. కొత్తదనంతో కూడిన కథలను ఎంచుకున్నప్పటికీ, ట్రీట్మెంట్ పరంగా అవి ఆశించిన స్థాయిలో ప్రేక్షకులకు కనెక్ట్ కాలేకపోయాయి. ‘పడిపడి లేచే మనసు’తో లవ్ స్టోరీ వైపు వెళ్లినా .. ‘రణరంగం’తో యాక్షన్ వైపు వెళ్లినా ఆయనకి కలిసిరాలేదు. తమిళంలో హిట్ కొట్టిన ’96’ మూవీనీ, తెలుగులో ‘జాను’ పేరుతో రీమేక్ చేయగా అది కూడా ఆయనకి చేదు అనుభవాన్నే మిగిల్చింది. అలా కొంతకాలంగా సక్సెస్ కి దూరంగా ఉంటూ వచ్చిన శర్వానంద్, త్వరలో ‘శ్రీకారం‘ సినిమాతో పలకరించనున్నాడు. ‘మహాశివరాత్రి’ సందర్బంగా మార్చి 11వ తేదీన ఈ సినిమాను విడుదల చేయనున్నారు. ఈ విషయాన్ని స్పష్టం చేస్తూ  ట్విట్టర్ వేదికగా  కొత్తగా ఒక పోస్టర్, వీడియో వదిలారు.

కిషోర్ రెడ్డి దర్శకత్వం వహించిన ఈ సినిమాలో శర్వానంద్ రైతు పాత్రలో కనిపించనున్నాడు. ఇప్పటికే ఆయన రైతు లుక్ కి సంబంధించిన పోస్టర్స్ అభిమానులను ఆకట్టుకున్నాయి. తాజాగా వదిలిన స్పెషల్ పోస్టర్లోను ఆయన లుంగీ పైకి కట్టేసి .. నలిగిపోయిన చొక్కాతో .. కండువా భుజాన వేసుకుని పొలం పనులు చేసే కుర్రాడిలా చాలా నాచురల్ గా కనిపిస్తున్నాడు. గ్రామీణ నేపథ్యంతో కూడిన కథ కావడం వలన, కొత్తగా ఉంటుందనే అభిమానులు భావిస్తున్నారు. ఈ సినిమాలో ఆయన సరసన నాయికగా ప్రియాంక అరుళ్ మోహన్ నటించింది. మిక్కీ.జె మేయర్ సంగీతాన్ని అందించిన ఈ సినిమా, మహాశివరాత్రికి ఏ స్థాయిలో సందడి చేస్తుందో చూడాలి.

Must Read ;- నెగెటివ్ రోల్లో శర్వానంద్.. ఏ సినిమా?

#Sreekaram in cinemas from March 11th #SreekaramOnMarch11th @ImSharwanand @priyankaamohan @14ReelsPlus @Im_bkishor @saimadhav_burra @MickeyJMeyer @RaamAchanta #GopiAchanta @SonyMusicSouth pic.twitter.com/iTW9417r0P

— BA Raju's Team (@baraju_SuperHit) January 23, 2021