Bollywood Legendary Actor Dilip Kumar Passed Away At The Age Of 98 :
బాలీవుడ్ నట దిగ్గజం దిలీప్ కుమార్ కన్నుమూశారు. గత కొంతకాలంగా ఆయన ఆరోగ్యం క్షీణించింది. దిలీప్ కుమార్ వయసు 99 ఏళ్లు. ముంబైలోని పీడీ హిందూజ ఆస్పత్రిలో ఇటీవల ఆయనకు చికిత్స అందించారు. ఈరోజు ఉదయం ఆయన కన్నుమూశారు. ఆయన గత కొంతకాలంగా శ్వాససంబధమైన సమస్యతో బాధపడుతున్నారు.
1944లో జ్వార్ భాటా చిత్రంతో ఆయన సినీ రంగ ప్రవేశం చేశారు. పాకిస్తాన్ లోని పెషావర్ ఆయన స్వస్థలం. అసలు పేరు యూసుఫ్ ఖాన్. బాలీవుడ్ ను ఐదు దశాబ్దాల పాటు ఆయన ఏలారు. తన 22వ ఏట సినీరంగ ప్రవేశం చేశారు. కోహినూర్, ఆజాద్, మొఘల్-ఎ-అజామ్, బైరాగ్, శక్తి, దేవదాస్, గోపి, ఆద్మీ, సంఘర్ష్ లాంటి ఎన్నో చిత్రాలు ఆయనకు మంచి పేరు తెచ్చిపెట్టాయి. అందరూ ఆయనను ట్రాజెడీ కింగ్ అనేవారు.
1998లో విడుదలైన ‘ఖిలా’ ఆయన చివరి చిత్రం. ఆయన ఆరోగ్య పరిస్థితిపై ఎంతో మంది ఆతృతగా ఎదురుచూడటంతో దిలీప్ కుమార్ అధికారిక ట్విట్టర్ నుంచి ఎప్పటికప్పుడు అప్ డేట్స్ ఇస్తూవచ్చారు ఆయన కుటుంబ సభ్యలు. దిలీప్ కుమార్ మరణ వార్త తెలిసిన వెంటనే యావత్ సినీ ప్రపంచం దిగ్బ్రాంతికి గురైంది.
Must Read ;- అసమానం.. అజరామరం దిలీప్ కుమార్ నటన
