సుధీర్ బాబు హీరోగానూ, ఆనంది హీరోయిన్ గానూ నటించిన విలేజ్ లవ్ స్టోరీ ‘శ్రీదేవి సోడా సెంటర్’. ‘పలాసా 1978’ ఫేమ్ కరుణ కుమార్ దర్శకత్వంలో రూపొందిన ఈ పీరియాడికల్ మూవీ .. గోదావరి బ్యాక్ డ్రాప్ లో రూపొందుతోంది. 70 యం.యం. ఎంటర్ టైన్ మెంట్స్ బ్యానర్ పై .. విజయ్ చిల్లా, శశిదేవి రెడ్డి సంయుక్తంగా నిర్మిస్తున్నారు. మణిశర్మ సంగీతం అందిస్తున్నారు. ఇక సుధీర్ బాబు పుట్టిన రోజును పురస్కరించుకొని .. ఈ మూవీలోని సుధీర్ బాబు పాత్రను పరిచయం చేస్తూ.. గ్లింప్స్ ఆఫ్ లైటింగ్ సూరి బాబు అనే ఓ టీజర్ లాంటి వీడియో ను రిలీజ్ చేశారు మేకర్స్.
తిరనాళ్ళలో సోడా బండి తో పాటు సీరియల్ లైట్స్ రెంట్ కిచ్చే యువకుడు సూరి బాబు గా సుధీర్ బాబు రివీలయ్యాడు. కండలు తిరిగిన శరీరంతో .. రగ్ డ్ లుక్ లో గుబురు గెడ్డంతో మెప్పించాడు. అలాగే.. గోదావరి తీరంలోనే సినిమా ఎక్కువ శాతం షూటింగ్ జరుపుకుందని ఇందులోని .. పడవల విజువల్స్ ను బట్టి అర్ధం చేసుకోవచ్చు.
ఇక ఇందులోని కథానాయికను రివీల్ చేయకుండా.. కేవలం సుధీర్ బాబు .. పెర్సనాలిటీ మీదే ఫోకస్ చేశారు. అతడి పాత్రను బట్టి చూస్తే.. ఈ సినిమాలో యాక్షన్ కూడా కొదవలేదని అనిపిస్తోంది. మొత్తానికి కరుణ్ కుమార్ .. పలాస తర్వాత మరో నేటివిటీ కలిగిన సినిమాతో ప్రేక్షకుల్ని అలరించబోతున్నాడన్నమాట. మరి ఈ సినిమా సుధీర్ బాబు కి ఏ రేంజ్ సినిమా అవుతుందో చూడాలి.
