ఆర్ఆర్ఆర్, పుష్ప రెండు ట్రైల‌ర్స్ ఓకే రోజు రానున్నాయా..?

RRR And Pushpa To Clash On Same Day

ఐకాన్ స్టార్ అల్లు అర్జున్, క్రియేటివ్ డైరెక్ట‌ర్ సుకుమార్ ల కాంబినేష‌న్లో రూపొందుతోన్న భారీ పాన్ ఇండియా మూవీ పుష్ప‌. ఇది వీరిద్ద‌రికీ ఫ‌స్ట్ పాన్ ఇండియా మూవీ. ఈ భారీ చిత్రాన్ని డిసెంబ‌రు 17న ప్ర‌పంచ వ్యాప్తంగా విడుద‌ల చేసేందుకు ప్లాన్ చేస్తున్నారు. ఇక ఆత‌ర్వాత 21 రోజుల గ్యాప్ లో యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చ‌ర‌ణ్, ద‌ర్శ‌క‌ధీరుడు రాజ‌మౌళిల ఆర్ఆర్ఆర్ జ‌న‌వ‌రి 7న‌ విడుద‌ల కానుంది. ఈ రెండు సినిమాల పై భారీ అంచ‌నాలు ఏర్ప‌డ్డాయి. పాన్ ఇండియా లెవ‌ల్ లో భారీ స్థాయిలో విడుద‌లవుతున్న ఈ రెండు చిత్రాల ట్రైల‌ర్స్ కోసం అభిమానులు ఎంతో ఆస‌క్తిగా ఎదురు చూస్తున్నారు.

అయితే.. ఆర్ఆర్ఆర్ ట్రైలర్ డిసెంబర్ 3న విడుదల కావాల్సి ఉండగా.. లెజెండరీ లిరిసిస్ట్ సిరివెన్నెల మరణంతో ట్రైలర్ లాంచ్ వాయిదా పడింది. ఇక‌ పుష్ప ట్రైలర్ డిసెంబర్ 6న ప్రేక్షకుల ముందుకు రావలసి ఉంది. పుష్ప టీమ్ అనుకున్న‌ట్టుగానే డిసెంబర్ 6న ట్రైల‌ర్ రిలీజ్ చేయాల‌నే ప్లాన్ తో ఉన్నారని తెలిసింది. మరో వైపు ఆర్ఆర్ఆర్ బాలీవుడ్ ప్రమోషన్స్ కోసం రాజమౌళి పై ఒత్తిడి పెరుగుతోందట. నిర్మాత డివివి దానయ్యని ఒత్తిడి చేస్తున్నందున ఆర్ఆర్ఆర్ ట్రైలర్ కూడా 6వ తేదీన విడుదలయ్యే అవకాశం ఉందని టాక్ గ‌ట్టిగా వినిపిస్తోంది.

RRR And Pushpa To Clash On Same Day

ఒకే రోజు రెండు క్రేజీ ట్రైలర్స్ లను విడుదల చేయడంలో తప్పు లేదు కానీ రెండు వేర్వేరు రోజుల్లో విడుదల చేస్తే బాగుంటుందని అంటున్నారు. ఒకేసారి రిలీజ్ చేస్తే.. ప్రేక్షకులు రెండింటినీ పోల్చి చూసే అవ‌కాశం ఉంది. ఒక రోజు గ్యాప్ ఉంటే కంపేర్ చేయ‌డం అనేది కాస్త తగ్గుతుంది. అందుకే విభిన్న తేదీల్ని ఎంపిక చేయాల్సిందిగా ఆర్ఆర్ఆర్ టీమ్ కి చెబుతున్నార‌ట‌ కానీ.. ఈ రెండు ట్రైలర్లు ఒకే రోజు రావ‌డం ఖాయ‌మ‌నే వినిపిస్తుంది. మ‌రి…నిజంగానే ఒకేరోజు రిలీజ్ చేస్తారా..? లేక వేరు వేరు డేట్స్ లో రిలీజ్ చేస్తారా..? అనేది తెలియాల్సి ఉంది.

Must Read ;- బ‌న్నీ ‘పుష్ప’ ఫంక్ష‌న్ కి ప్ర‌భాస్ వ‌స్తున్నాడా?