‘ఎఫ్‌ 3’ సెట్స్ లో సందడి చేస్తున్న వెంకీ, వరుణ్‌, అనిల్

విక్టరీ వెంకటేష్‌, మెగా హీరో వరుణ్ తేజ్, సక్సస్ ఫుల్ డైరెక్టర్ అనిల్ రావిపూడి కాంబినేషన్ లో రూపొందిన ఫ్యామిలీ ఎంటర్ టైనర్ ఎఫ్ 2. ఈ సినిమా ఫ్యామిలీ ఆడియన్స్ ని విశేషంగా ఆకట్టుకుంది. నిర్మాత దిల్ రాజుకు భారీగా లాభాలను తెచ్చిపెట్టింది. దీంతో ఎఫ్ 2 సీక్వెల్ గా రానున్న ఎఫ్ 3 పై భారీ అంచనాలు ఏర్పడ్డాయి. ఎఫ్ 2 లో నటంచిన కథానాయికలు తమన్నా, మెహ్రీన్ కూడా ఇందులో నటిస్తున్నారు. ప్రస్తుతం ఈ సినిమా హైదరాబాద్ లో శరవేగంగా షూటింగ్ జరుపుకుంటుంది.

ఈ మూవీ డిఫరెంట్ గా మనీ బ్యాక్ డ్రాప్ లో ఉంటుందని.. ఎఫ్ 2 కంటే.. అంతకు మించి అనేలా ఎఫ్ 3 లో ఫన్ ఉంటుందని డైరెక్టర్ అనిల్ రావిపూడి తెలియచేశారు. తెర పై చూస్తుంటే నవ్వు ఆపుకోలేక కడుపుబ్బా నవ్విస్తే.. ఇక షూటింగ్ జరుగుతున్నప్పుడు ఇంకెంత ఫన్ ఉంటుందో అర్ధం చేసుకోవచ్చు. అలాంటిది ఏదో సెట్ లో జరిగినట్టుంది. వెంకీ ట్విట్టర్ లో స్పందిస్తూ.. సెట్స్  లో బాయ్స్ తో ఫన్ అంటూ వరుణ్‌ తేజ్, అనిల్ రావిపూడితో కలిస నవ్వుతూ ఉన్న ఫోటోను పోస్ట్ చేశారు.

అనిల్ రావిపూడి పటాస్, సుప్రీమ్, రాజా ది గ్రేట్, ఎఫ్‌ 2, సరిలేరు నీకెవ్వరు.. ఇలా వరుసగా బ్లాక్ బస్టర్స్ సాధిస్తూ దూసుకెళుతున్నాడు. ముఖ్యంగా ఎంటర్ టైన్మెంట్ ను బాగా డీల్ చేస్తాడనే పేరు తెచ్చుకున్నాడు. ఇప్పుడు తెరకెక్కిస్తోన్న ఎఫ్ 3 ఫ్యామిలీ ఎంటర్ టైనర్ కావడంతో ఖచ్చితంగా ఎఫ్‌ 3 మూవీతో మరో బ్లాక్ బస్టర్ సాధిస్తాడని టీమ్ గట్టి నమ్మకంతో ఉన్నారు. ఆగష్టు 27న ఈ సినిమాని రిలీజ్ చేయనున్నట్టు ప్రకటించారు. మరి.. అందరి అంచనాలకు తగ్గట్టుగా ఎఫ్ 3 సెన్సేషన్ క్రియేట్ చేస్తుందేమో చూడాలి.

Mush Read ;- జోరుగా జరుగుతున్న ఎఫ్ 3 మూవీ షూటింగ్ 

Some fun on the sets with the boys 😎#F3OnAug27th@IamVarunTej @AnilRavipudi @tamannaahspeaks @Mehreenpirzada @ThisIsDSP@SVC_official #F3Movie #F3 pic.twitter.com/yaGeETG2aX

— Venkatesh Daggubati (@VenkyMama) February 3, 2021