కమలా హారిస్ ‘పర్పుల్’ డ్రస్ వెనక ఇంత కథ ఉందా!

కమలా హారిస్.. అమెరికా చరిత్రలో తనకంటూ ఒక పేజీ లిఖించుకున్న భారతీయ-ఆఫ్రీకన్. అమెరికా మొదటి అధ్యక్షురాలిగా ఎంపికై చరిత్ర సృష్టించిన మహిళగా తన పేరు మార్మోగుతోంది. అత్యంత పటిష్ట భద్రత మధ్య, అట్టహాసంగా ప్రమాణ స్వీకారం కార్యక్రమం జరిగాయి. ప్రమాణ స్వీకార కార్యక్రమానికి కమలా ధరించిన డ్రస్, ఇప్పుడు నెట్టింట హల్ చల్ చేస్తుంది. ప్రమాణ స్వీకారానికి ‘పర్పల్’ రంగు ఎంచుకోవడం వెనక ఉన్న కమలా ఉద్ధేశం తెలిస్తే.. డ్రస్ వెనక ఇంత కథ ఉందా అనక మానరు. అంతే కాదు, పర్పల్ కలర్‌కి గల ప్రాధ్యాన్యం తెలిస్తే.. వావ్.. ఈ రంగు వెనక ఇంతటి స్టోరీ దాగుందా అని ఆశ్చర్యపోవాల్సిందే..

నల్లజాతి వారికి ప్రోత్సాహం..

ప్రమాణ స్వీకారానికి ఇద్దరు నల్లజాతీయులు తయారుచేసిన డ్రస్‌ను ఎంచుకున్నారు హారిస్. క్రిస్టోఫర్ జాన్ రోగర్స్, సర్గియో హడ్సన్ అనే ఇద్దరు నల్ల జాతీయులు తయారుచేసిన ఓవర్ కోట్‌ను ధరించారు. తను ఎంచుకున్న ఓవర్ కోట్‌కు మ్యాచింగ్ అయ్యే విధంగా ‘మోనోక్రోమెటిక్’ లుక్‌తో ప్రమాణ స్వీకారానికి హాజరైంది హారిస్. ఇలా తను ఎంచుకున్న డ్రస్ ద్వారా నల్ల జాతీయులను ప్రోత్సహించడానికి మొదటి అడుగు వేస్తున్నట్లు చెప్పకనే చెప్పారని నెట్టిజన్లు కామెంట్లతో ముంచెత్తుతున్నారు.

పర్పల్ కలర్ అర్థం తెలుసా?

కమలా ఎంచుకున్న పర్పల్ రంగు ద్వైపాక్షిక సంబంధాలకు గుర్తు. అధిపత్య పోరుతో రగులుతున్న అమెరికాలో ఇకపై సామరస్యం విలసిల్లాలి అనడానికి గుర్తుగా ఈ రంగును ఎంచుకున్నట్లు నిపుణులు చెప్తున్నారు. అంతేకాదు, ఎన్నికల్లో తమకు కూడా ఓటు హక్కు కోసం దశాబ్దాలుగా పోరాడి చివరకు 1920లో ఓటు హక్కును సాధించారు. ఆనాటి మహిళలల ఓటు హక్కు పోరాటానికి అధికారక రంగు ‘పర్పుల్’. కాబట్టి మహిళల హక్కులకు గుర్తుగా ఈ రంగు ధరించారని విశ్లేషకులు అభిప్రాయపడుతున్నారు. అంతేకాదు, ‘పర్పుల్’ ఐక్యతా భావానికి గుర్తు. అమెరికా చరిత్రలో సరికొత్త అధ్యాయానికి మొదటి పేజీగా నిలవబోతున్న కమలా సరికొత్త నిర్ణయాలతో ప్రజల మధ్య ఐక్యతను ప్రోత్సహిస్తాననడానికి గుర్తుగా ఈ రంగు ధరించినట్లుగా చెప్తున్నారు. ఇలా తన మనసులోని భావలను చెప్పకనే చెప్పడానకి తను ఎంచుకున్న మార్గమే ‘పర్పల్’ డ్రస్.

It's an honor to be your Vice President. pic.twitter.com/iM3BxJzz6E

— Vice President Kamala Harris Archived (@VP46Archive) January 20, 2021

మహిళా శక్తికి గుర్తు..

ఆమె ఎంచుకున్న డ్రస్‌ని అభివర్ణించడంతో పాటు.. మహిళా శక్తికి నిలువెత్తు నిదర్శనంగా నిలిచిన భారతీయ-ఆఫ్రికన్ కమలా హారిస్ పోరాట పటిమ, పట్టుదలలను దేశాధినేతల నుండి సామాన్యుల వరకు ప్రశంసల జల్లు కురిపిస్తున్నారు. అగ్రరాజ్యంలో మహిళా ఉపాధ్యక్షురాలు అనే పుస్తకాన్ని తన తొలి సంతకంతో మొదలుపెట్టిన ఈ అగ్రరాజ్య మహిళా అధినేత ఎందరో మహిళలకు ఆదర్శం.