వైసీపీ అధినేత, మాజీ ముఖ్యమంత్రి వైఎస్‌ జగన్ మోహన్‌ రెడ్డికి ఇటీవలి ఎన్నికలలో ఘోర పరాజయం ఎదురయింది.. ఆయన పార్టీని చిత్తు చిత్తుగా ఓడించారు ప్రజలు. కేవలం 11 స్థానాలతో సరిపెట్టారు.. ఆయనకు కనీసం ప్రతిపక్ష హోదా కూడా దక్కలేదు.. ప్రజలే ఇవ్వని ప్రతిపక్ష హోదానికి తనకు ఇవ్వాలని జగన్ మోహన్‌ రెడ్డి కూటమి సర్కార్‌ని డిమాండ్‌ చేస్తున్నారు.. ఈ విషయం పక్కనపెడితే, జగన్ ఇంత ఘోరంగా ఎందుకు ఓటమి చెందాడో అనేది ఆయనకి నేటికీ అంతు పట్టడం లేదు.. అధికారంలో ఉన్న సమయంలో తాను ప్రజల మనసు గెలిచేలా ప్రభుత్వం నడిపానని, కానీ, ప్రజలు తనను అర్ధం చేసుకోలేదని ఆయన వాపోతున్నారు.. ఈ 9 నెలల్లోనే కూటమి సర్కార్‌పై వ్యతిరేకత వచ్చిందని, వచ్చే ఎన్నికలలో విజయం తమదే అని పార్టీ నేతలకు వివరిస్తున్నారు..
తాడేపల్లి ప్యాలెస్‌లో జరిగిన పార్టీ నేతల మీటింగ్‌లో మరోసారి జగన్ సంచలన వ్యాఖ్యలు చేశారు.. గత ఎన్నికలలో
మనం అబద్ధాలు చెప్పలేక ఓడిపోయాం…ఈసారి మనమే గెలుస్తాం అని ఆయన ధీమా వ్యక్తం చేస్తున్నారు.. చంద్రబాబు బిర్యానీ పెడతారు అని పలావు పెట్టే మనల్ని జనం వద్దనుకున్నారు.. పింఛన్లు, గ్యాస్ సిలిండర్లు తప్ప కూటమి ప్రభుత్వం ఇంకేమీ అమలు చేయలేదు.. సీసీ రోడ్లు వేస్తున్నాం, రోడ్లపై గుంతలు పూడ్చుతున్నాం అంటున్నారు…అవేమైనా పేదలకు డబ్బులు ఇస్తాయా.?? మరో రెండేళ్లు రోడ్లు వేయకపోతే ఏం అవుతుంది.?? మన ప్రభుత్వంలో రోడ్లు వేయలేక కాదు… రోడ్లు సాఫీగా ఉంటే వేగంగా వెళ్లి ప్రమాదాలకు గురవుతారు. అందుకే రోడ్ల నిర్మాణం చేపట్టలేదు.
తల్లిదండ్రులకు దూరంగా ఉంటూ ఉద్యోగాలు చేయాలంటే యువత బాధపడుతున్నారు. సొంతూరులో ఉంటూ, తల్లిదండ్రులను చూసుకుంటూ ఉంటారనే వాలంటీర్ ఉద్యోగాలు, ఫిష్ మార్ట్, మటన్ మార్ట్ లు తీసుకొచ్చాం.. నూటికి నూరుశాతం మన నిర్ణయాలు, పాలసీలు కరెక్టయినవే అని జగన్ సమర్ధించుకున్నారు..
వైసీపీ అధినేత వ్యాఖ్యలపై సొంత పార్టీ నేతలే మండిపడుతున్నారు.. గత ఎన్నికలలో ఫ్యాన్‌ పార్టీ రెక్కలు ఎందుకు తెగిపోయాయే అని సవివరంగా చెబుతున్నారు.. ప్రజావేదిక కూల్చడం దగ్గర నుండి మూడు రాజధానుల పేరుతో అమరావతిని అటకెక్కించడం, పోలవరం ప్రాజెక్ట్‌ని నిలిపివేయడం లాంటి నిర్ణయాలు తమ పార్టీ గొయ్యి తీశాయని జగన్‌కి సూచిస్తున్నారు.. ఇటు, తన సొంత బాబాయ్‌ హత్య కేసుని తేల్చకపోవడంతో ఇంటి దొంగలే ఆయన మరణం వెనక ఉన్నారని సంకేతాలు పంపినట్లయిందని గుర్తు చేస్తున్నారు.. ఇక, సొంత తల్లి, సొంత చెల్లి, బాబాయ్‌ వివేకా కూతురు సునీత చేసిన, చేస్తున్న ఆరోపణలకి నేటికీ జగన్ దగ్గర సమాధానం లేదు.. వీటితో జగన్‌పై విశ్వాసం, విశ్వసనీయత కొరవడ్డాయని నెత్తీ నోరూ బాదుకొని మరీ వివరిస్తున్నారు..
జగన్ సర్కార్‌ అవినీతిమయంగా మారిందని, ఆయన ఏ నిర్ణయం తీసుకున్నా వాటి వెనక జే ట్యాక్స్‌ ఎంత అనే..?? వాటాతోనే ప్రభుత్వాన్ని నడిపారని ప్రజలు నమ్మారని.. దీని వెనుక ఏం జరిగిందో తాడేపల్లి ప్యాలెస్‌ కోట గోడలు పగలకొట్టి తెలుసుకోవాలని హితవు పలుకుతున్నారు.. కేవలం నలుగురు రెడ్లతో వై అంటే వైఎస్‌ జగన్, ఎస్‌ అంటే విజయసాయి రెడ్డి, ఆర్‌ అంటే సజ్జల రామకృష్ణా రెడ్డి, సీ అంటే చెవిరెడ్డి, పీ అంటే పెద్దిరెడ్డి అనేలా పార్టీని, ప్రభుత్వాన్ని నిర్వహించారని… వీటిని మరిచిపోయారా.?? అని ప్రశ్నిస్తున్నారు..
ఇక, విద్యుత్‌ బిల్లులు పెంచడం, రోడ్ల మరమ్మతులు లేకపోవడం, ఒక్క కంపెనీ కూడా ఏపీలో అడుగుపెట్టకపోవడం లాంటివి వైసీపీని ప్రజలకు దూరం చేశాయి.. ఇదే ఆయనని ఓడించాయని పార్టీ నేతలే స్వయంగా మీడియా ముందు చెబుతున్నారు. కానీ, ఆ పార్టీ అధినేత జగన్ మాత్రం తన నిర్ణయాలే వంద శాతం కరెక్ట్ అని బూటకపు కబుర్లు చెబుతుండడం.. ఆ పార్టీ నేతలకు నచ్చడం లేదు.. దీంతో, ఆయన మారాలని శివరాత్రి పర్వదినాన ఆ దేవుడిని మొక్కుకుంటున్నారు.. మరి, మనసుతోపాటు బుద్ధి కూడా మారాలని ఆశిస్తున్నారు.. తాను పట్టిన కుందేలుకి మూడే కాళ్లు అని చెబుతున్న వైసీపీ నేత నుండి మార్పు ఆశించవచ్చా..??
