పవర్ స్టార్ పవన్ కళ్యాణ్ .. వరుసగా సినిమాల్ని పట్టాలెక్కిస్తూ… మిగతా హీరోలకు సవాల్ విసురుతున్నారు. ఇటీవల వకీల్ సాబ్ సినిమాను కంప్లీట్ చేసి.. క్రిష్ మూవీ షూట్ లో జాయిన్ అయిన ఆయన.. నేడు మలయాళ బ్లాక్ బస్టర్ ‘అయ్యప్పనుమ్ కోషియుమ్’ తెలుగు వెర్షన్ షూట్ లో పాల్గొన్నారు. ఒరిజినల్ వెర్షన్ లో కీలకమైన లాడ్జ్ సన్నివేశాల్ని ప్రస్తుతం చిత్రీకరిస్తున్నారు. రానా ఒక లాడ్జ్ లో ఉంటే.. అదే సమయంలో పవన్ కళ్యాణ్ అక్కడికి వెళతారు. ఆయన్ని చంపడానికి రానాకి తెలియకుండా.. ఆయన తండ్రి పంపిన కిరాయి గూండాల్ని పవర్ స్టార్ చితక్కొట్టడం ఆ సన్నివేశం.
ఒరిజినల్ వెర్షన్ లో బిజు మీనన్ పోషించిన పోలీస్ ఆఫీసర్ పాత్రను తెలుగులో పవర్ స్టార్ చేస్తోన్న సంగతి తెలిసిందే. పవర్ స్టార్ ఒక బుల్లెట్ మీద లాడ్జ్ కు వెళ్ళే సన్నివేశం దానికి సంబంధించిన ఒక మేకింగ్ వీడియో ను సోషల్ మీడియాలో విడుదల చేశారు మేకర్స్. అందులో పవన్ గెటప్ , బుల్లెట్ మీద ఆయన రివీల్ అయిన విధానం అభిమానుల్ని ఆకట్టుకుంటోంది. సాగర్ కె చంద్ర దర్శకత్వంలో, త్రివిక్రమ్ స్ర్కీన్ ప్లే డైలాగ్స్ తో .. సితారా ఎంటర్ టైన్ మెంట్ బ్యానర్ పై సూర్య దేవర నాగవంశీ నిర్మిస్తోన్న ఈ సినిమాకి ఇంకా టైటిల్ నిర్ణయించలేదు. కానీ.. ‘బిల్లా రంగా’ అనే టైటిల్ ప్రచారంలో ఉంది. సాయిపల్లవి, ఐశ్వర్యా రాజేశ్ కథానాయికలుగా నటిస్తున్నారు.
Must Read ;- పవర్ స్టార్ హరీష్ శంకర్ మూవీ ఇంట్రస్టింగ్ అప్ డేట్
