అక్కినేని ఫ్యామిలీ నుంచి తెలుగు తెరకు పరిచయమైన మరో హీరో సుశాంత్. ‘కాళిదాసు’ సినిమాతో ఎంట్రీ ఇచ్చిన సుశాంత్.. ఆతర్వాత ‘కరెంట్, అడ్డా’ చిత్రాల్లో నటించినా సరైన సక్సస్ రాలేదు. ఆఖరికి ‘చిలసౌ’ మూవీతో సక్సస్ సాధించాడు. ఆతర్వాత ఊహించని విధంగా అల్లు అర్జున్ ‘అల.. వైకుంఠపురములో’ సినిమాలో సెకండ్ హీరోగా నటించి మెప్పించాడు. ఈ సినిమా తర్వాత సుశాంత్ హీరోగా చేస్తున్న రొమాంటిక్ యాక్షన్ థ్రిల్లర్ ‘ఇచ్చట వాహనములు నిలుపరాదు’. నో పార్కింగ్ అనేది ట్యాగ్ లైన్.
ఈ చిత్రానికి ఎస్. దర్శన్ దర్శకత్వం వహిస్తున్నాడు. ఏ1 స్టూడియోస్, శాస్త్ర మూవీస్ బ్యానర్లపై రవిశంకర్ శాస్త్రి – ఏక్తా శాస్త్రి – హరీష్ కోయలగుండ్ల ఈ చిత్రాన్ని నిర్మిస్తున్నారు. ఇందులో సుశాంత్ కి జంటగా మీనాక్షి చౌదరి నటిస్తోంది. ఇప్పటికే విడుదలైన ఫస్ట్ లుక్ కు మంచి స్పందన వచ్చింది. ఇటీవలే ఈ సినిమా షూటింగ్ పూర్తయింది. ఈ నేపథ్యంలో జనవరి 29న టీజర్ ని రిలీజ్ చేయనున్నట్టు సుశాంత్ ట్విట్టర్ ద్వారా తెలియచేశారు.
అప్పుడెప్పుడో మార్చి 2020లో ఓ చిన్న టీజర్ వదిలాం.. ఆ తర్వాత అన్ని పోస్టర్సే.. లాక్ డౌన్ కదా బండి తీయడం కాస్త లేట్ అయింది అంటూ సుశాంత్ ఓ వీడియో కూడా రిలీజ్ చేశాడు. అలాగే ఈ నెల 29న టీజర్ ని రిలీజ్ చేయనున్నట్టు తెలియచేసిన సుశాంత్.. ఓ ప్రముఖ హీరో చేతుల మీదుగా ఈ టీజర్ రిలీజ్ చేయనున్నామని.. ఆ హీరో ఎవరో ఈ నెల 27న తెలియచేస్తామని చెప్పారు. ఆ హీరో ఎవరు అనేది ప్రస్తుతానికి సస్పెన్స్.
Must Read ;- అల్లు అర్జున్, విజయ్ దేవరకొండ మల్టీస్టారర్ మూవీ?
Its taken a while but here we go!! 🏍
A very special star that all of us dearly love, is going to launch the teaser of #IVNR #NoParking on Jan 29th! Will let you know who our special guest with a big heart is, on Jan 27th 😉 🔥#IVNRteaserOnJan29th pic.twitter.com/TxcZVlkwS1— Sushanth A (@iamSushanthA) January 25, 2021
