గూఢచర్యానికి పావురాలను వాడటం ఎప్పటి నుంచో ఉన్నదే..!
చరిత్ర పుటాలను ఒక్కసారి తిరగవేస్తే.. శత్రు రహస్య ఛేదనకు పావురాలను వాడటం సర్వసాధారణం! పావురాలకు వేల కీలోమీటర్లు ప్రయాణం చేసే శక్తి ఉంది. అలానే తిరిగి అవి ఎక్కడ నుంచి దాని జర్ని ప్రారంభించాయే అక్కడికు చేరగలవు కూడా! శత్రు దేశ రహస్యలను, సమాచారాన్ని తెలుసుకునేందుకు గూఢచారులు పావురాలను వాడుతుంటారు. ఇదే తరహా పావురాలను భారతదేశంపై చైనా ప్రయోగిస్తోందా? ఇక్కడి రహస్యాలను చైనాకు చేర్చేందుకు చైనా ఎజెంట్లు ఈ పావురాలను ప్రయోగిస్తున్నారా? అన్నది తెలియాల్సి ఉంది! ఒడిశా, ఆంధ్రప్రదేశ్ లో చైనా పావురాలు కలకలం రేపుతున్నాయి. ఒడిశాలోని వివిధ ప్రాంతాల్లో చైనా భాషతో కూడిన ట్యాగ్ లను కాళ్లకు అమర్చి ఉన్న పావురాలను స్థానికులు గుర్తించారు. దీనిపై విచారణను పోలీసులు ముమ్మరం చేశారు.
పావురాల కాళ్లకు కట్టిన ట్యాగ్స్ లోని సమాచారం ఏంటిది?
భారతదేశంలోని ఒడిశా, ఆంధ్రప్రదేశ్ పావురాలు ఆందోళన కలిగిస్తున్నాయి. ఒడిశాలోని వివిధ ప్రాంతాల్లో అనమానస్పద పావురాలను స్థానికులు గుర్తించి పోలీసులకు సమాచారం ఇచ్చారు. ఒడిశాలోని రవురెక్కలా ప్రాంతంలో ఒకటి, కేంద్రపడ జిల్లా మార్ సాగై పోలీస్ స్టేషన్ పరిధిలోని దశథపుర్ లో మరోక పావురాన్ని స్థానికులు గుర్తించారు. పావురాల కాలికి వీహెచ్ఎఫ్, వైజాగ్, 19742021 అని ముద్రించి ఉండగా.. మరో పావురం కాలికి చైనా అక్షరాలతో కూడిన అల్యూమినియం ట్యాగ్ ఉంది. సుందర్ గడ్ రాజ్ గంగ్ పుర్ పోలీసు స్టేషన్ పరిధిలోని కాంస్ బహాల్ గ్రామంలో గాయంతో ఓ పావురం కింద పడిపోయి కనిపించింది. ఆ పావురం కాలికి కూడా చైనా ట్యాగ్ ను గమనించిన స్థానికులు పోలీసులకు సమాచారం అందించారు. పూరీ – కోణార్క్ మార్గంలో కూడా అనుమానాస్పదంగా మరో పావురం స్థానికుల కంటపడింది. దీని రెండు కాళ్లపై రింగులు ఉండగా .. కోడ్ భాషలో సీరియల్ నెంబర్లు ఉన్నట్లు పోలీసులు గుర్తించారు. ఆంధ్రప్రదేశ్ ప్రకాశం జిల్లా చీమకుర్తిలో ఓ పావురం అనుమానాస్పందంగా కనిపించింది. కాళ్లకి చైనాకి సంబంధించిన ట్యాగ్ తో ఉన్న పావురాన్ని స్థానికులు గుర్తించారు. పావురం కుడి కాలుకు పసుపు రంగుతో కూడిన ట్యాగ్ ను స్థానికులు గమనించారు. పావురం కాళ్లకు ట్యాగ్ పై AIR 2207 అనే కోడ్ నంబర్ ఉంది. అయితే ఇది చైనా పావురం అయి ఉంటుందని స్థానికులు అనుమానం వ్యక్తం చేస్తున్నారు. ఈ నేపధ్యంలో పావురం కాలికి కెమెరా, ఎలక్ట్రానిక్ పరికరాలు, చిప్ లు లేకుంటే ఆందోళన చెందాల్సిన అవరసం లేదని పోలీసులు చెబుతున్నారు.