(విశాఖపట్నం నుంచి లియో న్యూస్ ప్రతినిధి)
కన్నతండ్రే కూతురి పై అత్యాచారం చేస్తాడు. కన్న తల్లి తాగుబోతు కొడుకు వేధింపులు తాళలేక సిలిండర్ తో మోది హత మారుస్తుంది. కట్టుకున్న భార్యపై అనుమానంతో యాసిడ్ పోసి మరో భర్త దాడి చేస్తాడు. గత రెండు మూడు రోజుల వ్యవధిలో విశాఖలో జరిగిన వరుస సంఘటనలు ఇవి. మాయమైపోతున్నడమ్మా… మనిషన్నవాడు… అని ఓ సినీ కవి రాసినట్టు.. మానవత్వం లేని లోకంలో ప్రాణాలకు విలువ లేకుండా పోయింది.
ప్రేమ త్యాగాన్ని కోరుకుంటుంది అన్నది ఒకప్పటి మాట… కాలంతో పాటు ప్రేమ కొలమానాలు మారిపోతున్నాయి. ప్రేమించిన యువతిని నడిరోడ్డుపై గొంతు కోసేయాలి అన్న దుర్మార్గపు ఆలోచన నేటి ప్రేమికుల్లో బయట పడుతూ ఉండడం నిజంగా దౌర్భాగ్యం. ప్రాణం విలువ తెలియని ఆ పైశాచిక జీవి ప్రేమను కాదన్నందుకు దాడి చేశాడా? మరే ఇతరత్రా కారణాలు ఉన్నాయా ఇంకా తేలాల్సి ఉంది. ఏది ఏమైనా నడిరోడ్డుపై యువతి గొంతు ను కత్తితో కోసి ఓ యువకుడు దారుణానికి ఒడిగట్టాడు. గాజువాక సుందరయ్య కాలనీలో ఈ ఘటన శనివారం రాత్రి చోటుచేసుకుంది. వరలక్ష్మి అనే విద్యార్థినిని సుందరయ్య కాలనీ సాయిబాబా గుడి వద్ద అఖిల్ అనే యువకుడు అడ్డగించి గొంతుకోశాడు . తీవ్ర రక్త స్రావం అయి ఆ యువతి గిలగిలా కొట్టుకుంటూ కాసేపటికే ప్రాణాలు విడిచింది. దాడికి పాల్పడ్డ యువకుడిని అఖిల్ గా గుర్తించారు అత న్ని కూడా పోలీసులు అదుపులోకి తీసుకున్నారు. ఈ దారుణం వెనక ప్రేమ వ్యవహారమే కారణం అయి ఉంటుందని పోలీసులు అనుమానిస్తున్నారు. మృతదేహాన్ని కెజిహెచ్ కు తరలించారు.
కెజిహెచ్ లో చికిత్స పొందుతూ మరణించినట్లు తెలిసింది. నిందితుడు పరారీలో ఉన్నాడు.
