కసరత్తు మొదలెట్టిన బిడెన్
అధికార పగ్గాలు చేపట్టడానికి మార్గం సుగమం కావడంతో మంత్రి వర్గ కూర్పునకు బిడెన్ చర్యలు చేపట్టాడు. ఇప్పటికే అమెరికన్ నేషనల్ సెక్యూరిటీ, ఫారిన్ పాలసీ టీమ్ ని ప్రకటించాడు బిడెన్. విదేశాంగ మంత్రి గా ఆంటోని బ్లింకెన్, సెకరట్రీ ఆఫ్ హోమ్ ల్యాండ్ సెక్యూరిటీ గా అలజాండ్రో మాయోర్కాస్, నేషనల్ ఇంటెలిజెన్స్ డైరెక్టర్ గా అవ్రిల్ హేనెస్, యునైటెడ్ నేషన్స్ రాయబారిగా లిండా థామస్, నేషనల్ సెక్యూరిటీ సలహాదారు గా జేక్ సులివన్, వాతావరణ రాయబారి గా జాన్ కెర్రి లను నియమించబోతున్నట్లు అధికారంగా తన ట్విట్టర్ ఖాతా ద్వారా ప్రకటించాడు బిడెన్.
తొలి మహిళా ఆర్థిక మంత్రి?
అమెరికా ఉపాధ్యక్ష పదవికి మహిళను ఎంపిక చేసి ఇప్పటికే సంచలనం సృష్టించిన బిడెన్, మరో సంచలనానికి నాంది పలకడానికి సిద్ధమవుతున్నట్లు సమాచారం. ఆర్థిక వేత్త జానెట్ యల్లెన్ కు ఆర్ధిక మంత్రి బాధ్యతలు అప్పగించే అవకాశాలు ఉన్నట్లుగా తెలుస్తుంది. ఒకవేళ అదే జరిగితే, ఈ శాఖను చేపట్టిన మొదటి మహిళగా చరిత్రకెక్కుతారు. పర్యావరణ రాయబారిగా నియమించిన జాన్ కెర్రి, ఒబామా పాలనలో విదేశాంగ మంత్రి గా బాధ్యతలు నిర్వహించారు. పారిస్ ఒప్పందాన్ని పురరుద్ధరించడంలో జాన్ కీలక వ్యక్తిగా వ్యవహరించే అవకాశాలు ఉన్నాయి.
మిషిగన్ తో మార్పు
చివరి వరకు ఓటమి ఒప్పుకోని ట్రంప్ లో మిషిగన్ రాష్ట్రం తీర్పుతో మార్పువచ్చింది. ఈ రాష్ట్రంలో 16 ఎలక్టోరల్ ఓట్లు ఉన్నాయి. ఈ రాష్ట్రంలో దాదాపు 1.5 లక్షల ఓట్ల తేడాతో గెలవడం, బిడెన్ గెలుపును కమిటీలోని రిపబ్లిక్ సభ్యుడు కూడా ధ్రువీకరించడం, చివరకి ట్రంప్ ఓటమిని అంగీకరించేలా చేసింది. ఇప్పటికీ ఓటమిని అంగీకరించనని, కానీ అధికార మార్పిడికి కావాల్సిన లాంఛనాలు పూర్తిచేయాల్సిందిగా తన అధికార గణాన్ని ఆదేశించినట్లు ట్రంప్ ప్రకటించడం చూస్తుంటే, ఇక తప్పని పరిస్థితుల ఆసన్నమైన సంగతి ట్రంప్ ఇప్పటికి గుర్తించినట్లుంది.
Must Read ;- అమెరికా ప్రభుత్వంలో మొట్టమొదటి స్వలింగ సంపర్కుడు
