తనయుడు అఖిల్ ను హీరోగా నిలబెట్టేందుకు తండ్రి నాగార్జున ఎన్నో జాగ్రత్తలు తీసుకుంటూ అతడి తదుపరి చిత్రాల్ని సెట్ చేస్తున్నారు. ప్రస్తుతం బొమ్మరిల్లు భాస్కర్ దర్శకత్వంలో ‘మోస్ట్ ఎలిజిబుల్ బ్యాచ్ లర్’ చిత్రాన్ని విడుదలకు సిద్ధం చేసిన అఖిల్ .. ఆ వెంటనే .. సురేంద్ర రెడ్డి దర్శకత్వంలో ‘ఏజెంట్’ అనే స్పై అడ్వంచరెస్ మూవీలో నటించ డానికి రెడీ అయ్యాడు . ఈ సినిమా రెగ్యులర్ షూటింగ్ త్వరలోనే ప్రారంభం కానుంది. అయితే దీని నెక్ట్స్ మూవీకి కూడా అఖిల్ గ్రీన్ సిగ్నల్ ఇచ్చినట్టు వార్తలొస్తున్నాయి.
‘ఆర్.ఎక్స్ 100’ ఫేమ్ అజయ్ భూపతి అఖిల్ కు ఓ స్టోరీ నెరేట్ చేశాడట. ఈ కథకు బాగా ఇంప్రెస్ అయిన అఖిల్ సినిమా చేయడానికి అంగీకరించాడట. తిరుపతి నేపథ్యంలో సాగే కథలో అఖిల్ .. బాయ్ నెక్స్ట్ డోర్ పాత్రలో కనిపించబోతున్నాడట. ప్రస్తుతం ‘మహా సముద్రం’ సినిమా షూటింగ్ లో పుల్ బిజీగా ఉన్న అజయ్ భూపతి.. ఈ మూవీ షూట్ కంప్లీట్ అయిన వెంటనే.. అఖిల్ సినిమాకి సంబంధించిన స్ర్కిప్ట్ వర్క్ మొదలు పెడతాడట. సురేంద్ర రెడ్డి ‘ఏజెంట్’ సినిమా కంప్లీట్ అవగానే.. అఖిల్ అజయ్ భూపతి మూవీ ప్రాజెక్ట్ లో జాయిన్ అవుతాడని టాక్. మరి అఖిల్, అజయ్ భూపతి కాంబో మూవీ ఏ రేంజ్ లో ఉండబోతుందో చూడాలి.
Must Read ;- అఖిల్ సినిమాలో మోహన్ లాల్?
