అక్కినేని వారి కనిష్ట వారసుడు అఖిల్ కు ప్రస్తుతం ఓ సాలిడ్ హిట్ కావాలి. తొలి మూడు చిత్రాలతో అభిమానుల్ని చాలా డిజప్పాయింట్ చేసిన అతగాడు.. ప్రస్తుతం బొమ్మరిల్లు భాస్కర్ దర్శకత్వంలో ‘మోస్ట్ ఎలిజిబుల్ బ్యాచ్ లర్’ మూవీతో నాలుగో ప్రయత్నం చేస్తున్నాడు. ఓ డిఫరెంట్ లవ్ స్టోరీతో ఎలాగైనా హిట్ కొట్టాలనే పట్టుదలతో శ్రమిస్తున్నాడు. అదే సమయంలో ఐదో సినిమాతో యాక్షన్ హీరోగా ఎలివేట్ అయ్యేందుకు సిద్ధమవుతున్నాడు.
యాక్షన్ చిత్రాలకు కేరాఫ్ అడ్రస్ అయిన సురేంద్ర రెడ్డి, అలాంటి కథలు రాయడంలో ఆరితేరిన వక్కంతం వంశీ.. అక్కినేని సిసింద్రీని హ్యాండ్సమ్ స్పై గా తీర్చిదిద్దేందుకు రెడీ అవుతున్నారు. ఆ సినిమాకి ‘ఏజెంట్’ అనే డిఫరెంట్ టైటిల్ ను ఫిక్స్ చేశారు. నేడు అఖిల్ పుట్టిన రోజు సందర్భంగా.. మేకర్స్ .. అఖిల్ ఐదో సినిమా అయిన ‘ఏజెంట్’ కు సంబంధించిన ఫస్ట్ లుక్ విత్ టైటిల్ పోస్టర్ ను విడుదల చేశారు.
చింపిరి హెయిర్ స్టైల్ లో .. గెడ్డం తో రఫ్ గా రివీలైన అఖిల్ .. అభిమానుల్ని ఆకట్టుకుంటున్నాడు. ఈ గెటప్ లో అఖిల్ ను గతంలో చూసుండరు. అలాగే.. మీసాల్ని కూడా కాస్తంత గుబురుగానే పెంచాడు. హాలివుడ్ లో సూపర్ హిట్ అయిన బోర్న్ సిరీస్ తరహా లో ఓ స్పై అడ్వంచరస్ యాక్షన్ మూవీగా ఈ సినిమాను తెరకెక్కిస్తున్నాడు సురేంద్రరెడ్డి. ఇక ఏజెంట్ రెగ్యులర్ షూటింగ్ ను ఈ నెల 11 నుంచి ప్రారంభిస్తారు. అంతేకాదు .. ఈ సినిమాను డిసెంబర్ 24న విడుదల చేయబోతున్నట్టు కూడా ప్రకటించారు. కిక్, రేసుగుర్రం లాంటి సినిమాలతో సూపర్ హిట్స్ కొట్టిన జోడీ సూరి, వంశీ కలయిక లో వస్తున్న ఈ ఏజెంట్ అక్కినేని అఖిల్ ను టాలీవుడ్ లో హీరోగా నిలబెడుతుందో లేదో చూడాలి.
ALSO READ:అక్కినేని హీరో సరసన మళ్ళీ అందాల రాశి
PRESENTING TO YOU A NEW ME
Crafted by the man himself, Mr @DirSurender ! Thank you sir, I officially surrender to Surender.
A big thank you to my dynamic producer @AnilSunkara1 garu as well.AGENT Loading 🔥#Agent #AgentLoading @AKentsOfficial @S2C_Offl pic.twitter.com/xVRGyf3z5I
— Akhil Akkineni (@AkhilAkkineni8) April 8, 2021
