Kalyan Ram’s Devil Movie Related To Bengal Story :
ఓ వైపు నిర్మాతగా, మరో వైపు హీరోగా దూసుకుపోతున్నారు నందమూరి వారసుడు కళ్యాణ్ రామ్. జయాపజయాలను లెక్కచేయకుండా విలక్షణ కథలకు గ్రీన్ సిగ్నల్ ఇస్తున్న ఆయన.. ఇక వరుస ప్రాజెక్టులతో ప్రేక్షకుల ముందుకు రాబోతున్నారు. సరైన సక్సెస్ కోసం చాలా కాలం నుంచి ఎదురు చూస్తున్న కళ్యాణ్ రామ్ ఈ సారి మాత్రం వరుసగా ఐదు సినిమాలను లైన్లో పెట్టేశారు. అందులో ఒకటే డెవిల్. అభిషేక్ నామా నిర్మాతగా నవీన్ మేడారం దర్శకత్వంలో రానున్న ఈ సినిమాను కళ్యాణ్ రామ్ పుట్టినరోజు సందర్భంగా అనౌన్స్ చేశారు.
ద బ్రిటిష్ సీక్రెట్ ఏజెంట్ అనే ట్యాగ్ లైన్తో రాబోతున్న ఈ మూవీ ఫస్ట్ లుక్తో పాటు మోషన్ టీజర్ విడుదల చేశారు. పాన్ ఇండియా మూవీగా రూపొందిస్తున్న ఈ మూవీని తెలుగుతో పాటు తమిళ, కన్నడ, హిందీ భాషల్లో విడుదల చేయనుండటం విశేషం. డెవిల్ పోస్టర్ ప్రేక్షకుల్లో విపరీతమైన ఆసక్తిని క్రియేట్ చేసింది. బ్లేజర్, పంచెకట్టు, పొడవాటి జుట్టు,గెడ్డంతో కళ్యాణ్ రామ్ లుక్ అదుర్స్ అని ఫ్యాన్స్ తో పాటు విశ్లేషకులు కూడా అభినందిస్తున్నారు. అయితే ‘డెవిల్’ అనే టైటిల్ కింద ద బ్రిటీష్ సీక్రెట్ ఏజెంట్ అనే ట్యాగ్ లైన్ ఇవ్వడంతో ఇది బెంగాలీ కథ అయివుండచ్చు అని ఊహా గానాలు వైరల్ అవుతున్నాయి.
కళ్యాణ్ రామ్ గెటప్ ఆధారంగా ఇది బెంగాలీ కథ అయి ఉండొచ్చు. టీవిలో సీరియల్ గా అప్పట్లో వచ్చిన బోంకేష్ బక్షీకి సంబంధించిన కథ అయి ఉంటుందని వార్తలు వస్తున్నాయి. దీనికి సంబంధించి బెంగాలీలో ఒక సిరీస్ కూడా ఉంది. అదే అయితే.. ఒక కొత్త బ్యాక్ డ్రాప్ లో వచ్చే కథతో ప్రేక్షకులకు కనువిందు చేస్తుందని కూడా విశ్లేషకులు అభిప్రాయపడుతున్నారు.
Must Read ;- బంగార్రాజులో కృతి శెట్టి నటిస్తుందా..? లేదా..?