ఒకవైపు అమరావతిని భ్రమరావతి, గ్రాఫిక్స్ రాజధాని అని గేలి చేస్తూ వైసీపీ, బీఆర్‌ఎస్ పార్టీలు సోషల్ మీడియా వేదికగా విపరీతమైన ట్రోల్స్, నెగెటివ్ క్యాంపెయిన్ నడిపాయి. అమరావతికి భవిష్యత్తు లేదని, అది ఒక ముంపు ప్రాంతమని ప్రజలను నమ్మించేందుకు రెండు పార్టీల ఐటీ విభాగాలు కలిసికట్టుగా దుష్ప్రచారం సాగించాయి.
కానీ మైక్ ముందుకు వచ్చి రాజధానిపై విషం చిమ్మిన బీఆర్‌ఎస్ నేతల అసలు రంగు బయటపడింది. రాజకీయం కోసం బయటకు అమరావతిని ట్రోల్ చేసినప్పటికీ, ఆర్థిక ప్రయోజనాల విషయానికి వచ్చేసరికి కేటీఆర్ చూపు అమరావతి వైపే మళ్లింది. అక్కడ రూ.300 కోట్ల భారీ వ్యయంతో ఫైవ్ స్టార్ హోటల్ నిర్మాణానికి పెట్టుబడులు పెట్టడం వెనుక ఉన్న అసలు వ్యాపార స్వభావం బయటపడింది.
ప్రజాక్షేత్రంలో వైసీపీతో కలిసి అమరావతి ఉనికిని ప్రశ్నించిన నేతలే, అక్కడ రూ.300 కోట్ల మేర పెట్టుబడి పెట్టడం అమరావతి బ్రాండ్ వ్యాల్యూను, దానికి ఉన్న వ్యాపార సామర్థ్యాన్ని స్పష్టంగా నిరూపిస్తోంది. అమరావతి రేపటి రోజున ఏ స్థాయిలో ఎదగబోతోందో, అక్కడ ల్యాండ్ వ్యాల్యూ, బిజినెస్ లీడ్ ఏ స్థాయిలో ఉండబోతోందో ముందే గ్రహించి ఈ పెట్టుబడి పెట్టారని స్పష్టమవుతోంది.
రాజకీయంగా మైండ్ గేమ్స్ ఆడటానికి, ట్రోల్స్ చేసి ప్రజలను మభ్యపెట్టడానికి అమరావతిని వాడుకున్నప్పటికీ.. వ్యక్తిగత సంపద పెంచుకోవడానికి మాత్రం అమరావతే సరైన గమ్యస్థానమని కేటీఆర్ నిర్ణయం తేల్చిచెప్పింది. “మాటల్లో వైసీపీతో కలిసి అమరావతిపై ట్రోల్స్.. చేతల్లో మాత్రం జయాహో అమరావతి అంటూ వందల కోట్ల పెట్టుబడులు అని ఈ డబుల్ స్టాండర్డ్స్ చూసి ప్రజలు ముక్కున వేలేసుకుంటున్నారు.
