యంగ్ టైగర్ యన్టీఆర్ ఇటీవల కరోనా బారిన పడిన సంగతి తెలిసిందే. ఆ వార్తను తానే స్వయంగా ట్విట్టర్ లో పోస్ట్ చేసి మరీ తెలియచేశాడు. అప్పటి నుంచి తారక్ కరోనా నుంచి తొందరగా తిరిగి కోలుకోవాలని పలువురు సినీ ప్రముఖులు, స్నేహితులు ట్విట్టర్ లో స్పందించారు. ఇటీవల మెగాస్టార్ చిరంజీవి స్వయంగా తారక్ కు కాల్ చేసి ఆయన ఆరోగ్య పరిస్థితిని వాకబు చేయగా, నిన్న ఖుష్బూ సుందర్ తారక్ గెట్ వెల్ సూన్ అంటూ ట్విట్టర్ లో పోస్ట్ పెట్టింది.
అయితే ఈరోజు రంజాన్ సందర్భంగా.. తారకే స్వయంగా తన ఆరోగ్య పరిస్థితిపై అప్డేట్ ఇవ్వడం అభిమానులకు ఊరటను కలిగిస్తోంది. అభిమానులకు ఈద్ శుభాకాంక్షలు తెలియచేస్తూ.. తనకోసం ప్రార్ధించిన ప్రతీ ఒక్కరికీ ధన్యవాదాలు తెలిపారు. ఇంకా… ప్రస్తుతం బెటర్ గా ఫీలవుతున్నానని, త్వరలోనే నెగెటివ్ కూడా రావచ్చు అనే పాజిటివ్ వార్త కూడా చెప్పాడు. అలాగే ప్రతీ ఒక్కరూ ఇంటి వద్దనే క్షేమంగా ఉండాలని కోరారు. ఈ వార్త సోషల్ మీడియా లో అభిమానులకు ఆనందానిస్తోంది.
Wishing everyone a happy Eid. Thank you one and all for your warm wishes and prayers. I am getting better and hope to test negative soon. Stay safe and take care.
— Jr NTR (@tarak9999) May 14, 2021
