పంజాబ్ ప్రభుత్వం ఈయన్నే బ్రాండ్ అంబాసిడర్ గా నియమించింది

Sonu Sood as Punjab Brand Ambassador :

కోరోనా మహమ్మారి దేశాన్ని  పట్టి పీడించిన తొలి దశలోని .. లాక్ డౌన్ కాలంలో ఎందరో వలస కూలీల్ని  తమ స్వగ్రామాలకు పంపించి.. వారి పాలిట దేవుడయ్యాడు సోనూ సూద్. అలాగే.. ఎందరో పసిపిల్లలకు గుండె ఆపరేషన్స్ చేయించి వాళ్ళ తల్లి దండ్రులకూ ఆయన దేవుడయ్యాడు. సోనూ సూద్ ప్రస్తుతం నటుడిగా కన్నా..  మానవతా వాదిగానే ఎందరికో అభిమాన పాత్రుడయ్యాడు. ఇప్పుడు సెకండ్ వేవ్ ప్రవేశించింది. ఈ సారి కూడా సోనూ సూద్ తన బాధ్యతను మరిచిపోలేదు.  ఇటీవల తాను పుట్టిన గడ్డ పంజాబ్ లో ..   కోవిడ్ వేక్సినేషన్ వేయించుకొన్న  సోనూ భాయ్.. అందరినీ  వేక్సినేషన్ వేయించుకోమంటూ .. పిలుపునిచ్చాడు.

ఈ నేపథ్యంలో పంజాబ్ ప్రభుత్వం కోవిడ్ వేక్సినేషన్ కు సోనూ సూద్ ను బ్రాండ్ అంబాసిడర్ గా నియమిస్తూ ఉత్తర్వులిచ్చింది.  పంజాబ్ ముఖ్యమంత్రి కెప్టెన్ అమరీందర్ సింగ్ తన ఫేస్ బుక్ ట్విట్టర్ హ్యాండిల్ ద్వారా ఈ విషయాన్ని ప్రకటించారు.  కోవిడ్ తో పోరాటంలో భాగంగా ప్రతి ఒక్కరూ వేక్సిన్ వేయించుకోవాలని, కోవిడ్ వేక్సినేషన్ మీద అపోహలు కారణంగా..  ప్రజలు సందేహిస్తున్న వేళ.. సోనూసూద్ లాంటి వారి సహాయం ఎంతైనా అవసరముందని చెప్పారు. దీనికి సోనూ స్పందిస్తూ..   ఇది నేను  గొప్ప గౌరవంగా భావిస్తానని, ప్రజలంతా కోవిడ్ వేక్సినేషన్ తీసుకొనేలా తన వంతు కృషి చేస్తానని చెప్పాడు.

Must Read ;- స్పైస్ జెట్ పై సోనుసూద్ బొమ్మ ఎందుకో?

Happy to share that actor & philanthropist @SonuSood will be the Brand Ambassador of our #Covid19 vaccination drive. I thank him for supporting our campaign to reach out to, and protect, every Punjabi, and appeal to all to get vaccinated at the earliest. pic.twitter.com/1083v6M0FP

— Capt.Amarinder Singh (@capt_amarinder) April 11, 2021