నటుడు సోనూ సూద్ విమానం ఎక్కడం, ఎక్కించడంతో పాటు విమానంపైన బొమ్మగా కూడా మారిపోయాడు. కరోనా కష్టకాలంలో జనం దృష్టిలో దేవుడిగా మారిన సోనూ సూద్ ను దేశీయ విమానయాన సంస్థ గౌరవించదలుచుకుని తమ విమానంపై బొమ్మగా వేసింది. విదేశాల్లోనూ, ఇతర ప్రాంతాల్లోనూ ఉన్నవారిని కరోనా కాలంలో వారి సొంతూళ్లకు చేరుకునేందుకు సోనూ సూద్ ఎంతో కృషి చేసిన సంగతి తెలిసిందే. దాంతో సోనూకూ ఎక్కడా ఎవరికీ లేని క్రేజ్ వచ్చింది. లాక్ డౌన్ టైమ్ అతి పెద్ద సెలబ్రిటీ ఎవరంటే సోనూ సూద్ అని చెప్పక తప్పదు.
సోనూ సూద్ చేసిన సేవలకు గుర్తుగా స్పైస్ జెట్ బోయింగ్ 737 విమానంపై సోనూ సూద్ బొమ్మను వేయించారు. దీనికి ఎ సెల్యూట్ టూ సేవియర్ సోనూ సూద్ అనే క్యాప్షన్ కూడా రాయించారు. ఒక దేశీయ విమానయాన సంస్థ ఈ తరహా గౌరవాన్ని ప్రకటించడం ఇదే మొదటిసారి. లాక్ డౌన్ టైమ్ లో స్పైస్ జెట్ సంస్థతోనే సోనూ కలిసి 2.5 లక్షల మందిని స్వస్థాలకు తరలించారు.
రష్యా, మనీల, ఉజ్బెకిస్తాన్ లాంటి దేశాల్లో ఇరుక్కుపోయిన భారతీయులకు స్వస్థాలకు తెచ్చారు. ఇలా 1500 మందిని ఇండియాకు తీసుకొచ్చారు. తనకు ఇలాంటి గౌరవాన్ని స్పైసీ జెట్ ప్రకటించడం పట్ల సోనూ కూడా ఎంతో సంతోషించారు. ఇకముందు కూడా ఇలాంటి సేవా కార్యక్రమాలు నిర్వహించడంలో తాను వెనుకంజ వేయనని సోనూ అన్నారు.
Must Read ;- సోనూ దారి.. అమ్మ రహదారేనట!
