శాండిల్ వుడ్ రాక్ స్టార్ యశ్ హీరోగా నటించిన పాన్ ఇండియా మూవీ ‘కేజీఎఫ్’ ఏ రేంజ్ లో సక్సెస్ అయిందో తెలిసిందే. విడుదలైన అన్ని భాషల్లోనూ కాసుల వర్షం కురిపించి.. యశ్ ను ఓవర్ నైట్ క్రేజీ స్టార్ ను చేసేసింది ఆ సినిమా. కోలార్ గోల్డ్ ఫీల్డ్ నేపథ్యంలో మాఫియా నేర సామ్రాజ్యాన్ని అత్యంత శక్తివంతంగా చూపించాడు దర్శకుడు ప్రశాంత్ నీల్. ఇప్పుడు చాప్టర్ వన్ ను తలదన్నే రీతిలో కథాకథనాలు రాసుకొని.. ‘కేజీఎఫ్ చాప్టర్ 2’ ను తెరకెక్కిస్తున్నాడు. ఈ నేపథ్యంలో రేపు యశ్ జన్మదినం సందర్భంగా ఈ సినిమా టీజర్ ను విడుదల చేశారు మేకర్స్. కళ్ళు చెదిరే విజువల్స్ తో అదిరిపోయే రేంజ్ లో టీజర్ ను కట్ చేశారు.
కథానాయకుడు రాకీ భాయ్ తల్లి కి సంబంధించిన విజువల్స్ తో అతడి చిన్నతనంలోని సన్నివేశాలతో టీజర్ ప్రారంభమవుతుంది. ఆ వెంటనే కోలార్ గోల్ట్ ఫీల్డ్స్ లోని సీన్స్.. ఆపై రవీనా టండన్ పాత్ర ఎంట్రీ.. ఆ తర్వాత విలన్ పాత్రధారి అధీరాగా నటిస్తోన్న సంజయ్ దత్ పవర్ఫుల్ ఇంట్రడక్షన్ తో కూడిన టీజర్ లోని సన్నివేశాలు అబ్బుర పరుస్తాయి. చివరలో పెద్ద మెషిన్ గన్ తో హీరో యశ్ ఎదురుగా ఉన్న కార్లను షూట్ చేసి.. హీటెక్కిన మెషిన్ గన్ బ్యారెల్ మీద సిగెరెట్ ముట్టించుకోవడం చూస్తుంటే.. సినిమా మరోసారి మ్యాజిక్ చేయడం ఖాయం అనిపిస్తోంది. మరి కేజీఎఫ్ చాప్టర్ 2 .. చాప్టర్ వన్ ను మంచి ఏ రేంజ్ లో ఆకట్టుకుంటుందో చూడాలి.
ఎందుకు ముందే విడుదల?
ఎందుకు ముందు విడుదల చేశారు? దీనికి కారణంలో ఈ టీజర్ నెట్టింట్లో లీక్ కావడమే. అందుకే దర్శకుడు ప్రశాంత్ నీల్ ఒకరోజు ముందుగానే దీన్ని విడుదల చేయాల్సి వచ్చింది. తల్లికి ఇచ్చిన మాటకు కట్టుబడిన కొడుకు కథగా ఈ సీక్వెల్ ను తెరకెక్కించినట్టు అర్థమవుతోంది. ఇందులో అధీరా పాత్రలో సంజయ్ దత్, రమీకాసేన్ గా రవీనా టాండన్ ఈ టీజర్ లో కనిపించారు. ప్రస్తుతం కేజీఎఫ్ 2 మీద భారీ అంచనాలు నెలకొన్నాయి.
Also Read: క్లైమాక్స్ ఫైట్స్ అద్భుతంగా వస్తున్నాయట.. !
