తెలుగు తెరకి పరిచయమైన అందమైన కథానాయికల జాబితాలో అనూ ఇమ్మాన్యుయేల్ ఒకరుగా కనిపిస్తుంది. చక్కని కనుముక్కుతీరుతో ఆమె చాలా తక్కువ కాలంలో ఎక్కువమంది అభిమానులను సంపాదించుకుంది. మత్తు .. మకరందం నిండిన ఆ కళ్లను చూస్తూ గంటలను నిమిషాలుగా గడిపేయవచ్చని కుర్రాళ్లు భావిస్తూ ఉంటారు. పావురాలుగా మారిపోయి ఆమె పెదాల అంచులపై తిరుగాడాలని కోరుకుంటారు. ఆమె తమ మనసులో మాత్రమే ఊహా సుందరిగా ఉండిపోవాలని ఆశిస్తూ ఉంటారు.
అందం .. అందుకు తగిన అభినయంతో యూత్ ను ఆకట్టుకున్న అనూ ఇమ్మాన్యుయేల్ విషయంలో, ఒక పుకారు షికారు చేస్తోంది. తమిళ దర్శకుడు జ్యోతికృష్ణతో ఆమె డేటింగ్ చేస్తోందనే వార్తలు బలంగానే వినిపిస్తున్నాయి. ఈ జ్యోతికృష్ణ ఎవరో కాదు ఎ.ఎమ్.రత్నం తనయుడు. ఇంతకుముందు జ్యోతికృష్ణ దర్శకత్వంలో అనూ ‘ఆక్సిజన్‘ సినిమాలో నటించింది. అప్పటి నుంచి ఈ ఇద్దరి మధ్య సాన్నిహిత్యం ఏర్పడినట్టుగా చెబుతున్నారు. ఆ తరువాత అది డేటింగ్ వరకూ వెళ్లినట్టుగా అనుకుంటున్నారు. కథానాయికల విషయంలో ఇలాంటి రూమర్స్ రావడం సహజమే. అయితే ఈ విషయంపై ఈ ఇద్దరూ ఎలా స్పందిస్తారనేది చూడాలి.
అనూ ఇమ్మాన్యుయేల్ కి అందమే కాదు .. కాస్తంత అదృష్టం కూడా ఉంది. అందువల్లనే ఆమె చాలా తక్కువ కాలంలోనే పాపులర్ అయింది. తెలుగులో ఏకంగా నానీ సరసన ‘మజ్ను’ చేయడం, తమిళంలో విశాల్ తో జోడీ కట్టడం ఆమె అదృష్టానికి ఉదాహరణలే. ఇక పవన్ .. బన్నీ వంటి స్టార్ హీరోలతో చేసే అవకాశాలు కూడా ఆమె చాలా త్వరగానే దక్కాయి. అయితే అదృష్టం వెనుకే దురదృష్టం పొంచి ఉన్నట్టుగా ఆ సినిమాలు ఆశించిన స్థాయిలో ఆడలేదు. ‘శైలజా రెడ్డి అల్లుడు’ .. ‘అల్లుడు అదుర్స్‘ సినిమాల విషయంలోను అదే జరిగింది. దాంతో ప్రస్తుతం రూపొందుతున్న ‘మహా సముద్రం సినిమాపైనే ఆమె ఆశలు పెట్టుకుంది.
Must Read ;- నాగార్జున చెల్లెలిగా మిస్ ఇండియా
