అక్కినేని ఫ్యామిలీలోని నవయువ దంపతులు నాగచైతన్య , సమంత.. తమ సినీ జీవితాన్ని, వైవాహిక జీవితాన్ని అత్యంత విలాసవంతంగా గడుపుతూ.. ప్రతీ నిమిషాన్ని ఎంజాయ్ చేస్తారన్న సంగతి ప్రత్యేకంగా చెప్పనవసరం లేదు. ఇప్పుడు దక్షిణాది తెరమీద ఈ ఇద్దరూ ట్రెండీ కపుల్. ఈ మధ్యనే నాగచైతన్య పుట్టిన రోజు సందర్భంగా ఇద్దరూ కలిసి మాల్దీవ్స్ చుట్టేసి వచ్చారు.
సోషల్ మీడియాలో ఆ ఇద్దరి విహారానికి సంబంధించిన ఫోటోస్ అభిమానుల్ని ఎంతగానో అలరించాయి. ఇక ఆ ఇద్దరి లైఫ్ స్టైల్ గురించి మాట్లాడుకోవల్సి వస్తే.. అదేం విచిత్రమో కానీ.. ఇద్దరికిద్దరు లగ్జరీయస్ స్పోర్ట్స్ కార్స్ అంటే ప్రాణం పెడతారు. వారి గ్యారేజ్ లో చూస్తే .. మొత్తం 5 అంత్యంత ఖరీదైన కార్లు కనిపించి కనువిందు చేస్తాయి.
1.రేంజ్ రోవర్ వోగ్
బాలీవుడ్ టాప్ స్టార్స్ అయిన షారుఖ్ ఖాన్, కత్రినా కైఫ్, రణబీర్ కపూర్, అక్షయ్ కుమార్ లతో పాటు క్రికెట్ స్టార్ విరాట్ కోహ్లీ అమితంగా ఇష్టపడే ఈ కార్.. అక్కినేని దంపతులైన నాగచైతన్య, సమంతలు కూడా సొంతం చేసుకున్నారు. ఈ ఇద్దరూ తరచుగా ఈ కార్ లోనే విహరిస్తారు. ఈ కార్ ఖరీదు రూ. 2కోట్లకు పైగానే.
Must Read ;- మాల్దీవుల తీరాన్ని తాకిన భారతీయ అందాలు
2.నిసాన్ జీటీ – ఆర్
నాగచైతన్యకి స్పోర్ట్స్ కార్స్ అన్నా, బైక్స్ అన్నా చాలా ఇష్టం. షూటింగ్స్ లేని సమయంలో ఎక్కువగా అతడు ఈ కార్ లోనే చక్కర్లు కొడుతూ ఉంటాడు. సోషల్ మీడియాలో ఫ్యాన్స్ తో ఎప్పుడూ టచ్ లో ఉండే అతడు.. ఎక్కువగా కనిపించే ప్రాంతం రేసింగ్ ట్రాకే. అతడి దగ్గరున్న ఊబర్ కూల్ లగ్జరీ స్పోర్ట్స్ కార్ నిసాన్ జీటీ ఆర్ లో హైద్రాబాద్ వీధుల్లో విహరించడం చాలా ఇష్టం. ఈ కార్ ఖరీదు రూ. 1.99కోట్లకు పైగానే ఉంటుంది.
3.ఆడి క్యూ 7
సమంత అక్కినేని ఎక్కువగా విహరించడానికి ఇష్టపడే కార్ ఆడి క్యూ 7. దీని ఖరీదు రూ. 70 లక్షలకు పైగానే ఉంటుంది. 3 లీటర్స్ వి6 టర్బో డీజిల్ ఇంజిన్ కలిగిన ఈ కార్ 242 బిహెచ్పీ పవర్ తో, 550 యన్. ఎమ్ టార్క్ తో శక్తిని విడుదల చేస్తుంది. ఈ కార్ ఇంకా.. యం.యస్ ధోని, బిపాసా బసు, దీపికాపదుకొనే, విరాట్ కోహ్లీ , జాన్ అబ్రహం లాంటి సెలబ్రిటీస్ దగ్గర కూడా ఉంది.
4.పోర్స్చు కేమేన్ జీటీయస్
అక్కినేని సమంత దగ్గరున్న మరో అత్యంత ఖరీదైన కార్ ఇది. 4 లీటర్ వి6 పెట్రోల్ ఇంజిన్ కలిగిన ఈ కార్.. 340 బిహెచ్పీ పవర్ తో , 420 యన్.యమ్ టార్క్ తో శక్తిని విడుదల చేస్తుంది. అలాగే.. ఈ కార్ కున్న మరో ప్రత్యేకత ఏంటంటే.. ఇది గంటకు 293 కిలోమీటర్స్ వేగంతో ప్రయాణించగలదు. అలాగే.. ఇది 45 సెకండ్స్ లో 100 కిలోమీటర్స్ స్పీడ్ అందుకుంటుంది. ఇదే కార్.. అమితాబ్ దగ్గర, షారుఖ్ ఖాన్ దగ్గర కూడా ఉంది.
5.మెర్సిడెస్ బెంజ్ జీ 63 ఏ.యం.జీ
నాగచైతన్య కున్న మరో అత్యంత ఖరీదైన కార్ మెర్సిడెస్ బెంజ్ జీ 63 ఏ.యం.జీ. 5.5 లీటర్స్ ట్విన్ టర్బో వి8 ఇంజిన్ కలిగిన ఈ కార్.. 563 బిహెచ్పీ .. అత్యధికంగా 760 యన్.యమ్ శక్తిని విడుదల చేయగల ఈ కార్.. మ్యాగ్జిమమ్ గంటకు 210 కిలోమీటర్స్ వేగంతో పరుగుతీయగలదు. 7స్పీడ్ ఆటోమేటిక్ ట్రాన్స్ మిషన్ తో పాటు, ఏయంజీ రైడ్ కంట్రోల్ స్పోర్ట్స్ సస్పెన్షన్ , టెంపరేచర్ కంట్రోల్డ్ కప్ హోల్డర్ దీని ప్రత్యేకతలు. ఈ కార్ ఖరీదు రూ. 2.3 కోట్లు .
Also Read ;- మెగా డాటర్ పెళ్ళికి ప్రత్యేక అతిథి ఈయనేనా?
