బిఫోర్ లాస్టియర్ మాలీవుడ్ లో విడదలైన ‘డ్రైవింగ్ లైసెన్స్’ సినిమా సెన్సేషనల్ హిట్ అయింది. ‘పందెంకోడి’ విలన్ లాల్ తనయుడు.. జూనియర్ లాల్ ఈ సినిమాకి దర్శకుడు. పృధ్విరాజ్ సుకుమారన్, సురాజ్ వెంజారమూడ్ ప్రధాన పాత్రలు పోషించిన ఈ సినిమా రీమేక్ రైట్స్ .. మెగా పవర్ స్టార్ రామ్ చరణ్ ఎప్పుడో తీసుకున్నాడు. ఓ క్రేజీ హీరోతో సినిమా తీయాలని అనుకున్నాడు. అప్పట్లో పవన్ కళ్యాణ్ , తను నటిస్తున్నారనే వార్తలు వినిపించాయి. అయితే ఆ తర్వాత మళ్ళీ డ్రైవింగ్ లైసెస్స్ రీమేక్ గురించి ఊసేలేదు.
తాజాగా ఇప్పుడు మరోసారి డ్రైవింగ్ లైసెన్స్ తెలుగు వెర్షన్ కు సంబంధించిన ఓ వార్త కొత్త గా వినిపిస్తోంది. తాజా సమాచారం ప్రకారం ఈ సినిమాను రామ్ చరణ్.. రవితేజ, విజయ్ సేతుపతి ప్రధాన పాత్రలుగా నిర్మించబోతున్నాడని వినికిడి. ఇందులో రవితేజ సూపర్ స్టార్ గానూ, విజయ్ సేతుపతి అతడి ఫ్యాన్ గానూ నటించబోతున్నారట. ఆ మేరకు సేతుపతి ని రామ్ చరణ్ ప్రత్యేకంగా ఒప్పించాడని ఫిల్మ్ నగర్ టాక్. అలాగే.. రవితేజ కూడా ఈ సినిమా చేయడానికి ఉత్సాహం చూపిస్తున్నాడట.
ఓ సూపర్ స్టార్ కి డ్రైవింగ్ లైసెన్స్ ఇచ్చే విషయంలో.. అతడి వీరాభిమాని అయిన వెహికల్ ఇన్స్ పెక్టర్ తో ఇగో సమస్యలు తలెత్తుతాయి. ఈ క్రమంలో తాను ఎంతగానో అభిమానించే హీరోతోనే ఆ అభిమాని గొడవ పడాల్సిన పరిస్థితులు ఏర్పడతాయి. చివరికి ఇద్దరూ మళ్ళీ ఎలా ఒకటవుతారు? అన్నదే మిగతా కథ. ఇందులో అద్భుతమైన ఎమోషన్స్ ఉంటాయి. ఇద్దరి మీద పలు ఆసక్తికరమైన సన్నివేశాలుంటాయి. అలాగే.. చివరిలో చక్కటి సందేశమూ ఉంటుంది. అందుకే ఈ సినిమాను తెలుగు నేటివిటీకి అనుగుణంగా కొన్ని మార్పులు చేసి వర్కవుట్ చేయొచ్చని రామ్ చరణ్ కు అనిపించి.. వెంటనే రైట్స్ తీసుకున్నాడట. మరి తెలుగు డ్రైవింగ్ లైసెన్స్ .. ఎప్పుడు మొదలవుతుంది? దానికి దర్శకుడు ఎవరు అనే విషయాలో ఇంకా క్లారిటీ రాలేదు. త్వరలోనే దీనికి సంబంధించిన అనౌన్స్ మెంట్ రాబోతోందని సమాచారం.
Must Read ;- రవితేజ సరసన ‘గాలి సంపత్’ బ్యూటీ ?
