వ్యూహ… సంచలన దర్శకుడు రామ్‌ గోపాల్‌ వర్మ చేసిన రాజకీయ వ్యంగ్య చిత్రం. ఈ సినిమాపై భారీ అంచనాలు పెట్టుకుంది వైసీపీ.. వర్మకి సుమారు 60 కోట్ల రూపాయలు ఇచ్చి మరీ ఔట్‌ సోర్సింగ్‌తో వ్యూహం, శపథం రెండు భాగాలుగా ఈ సినిమాని చిత్రీకరించారని, టాలీవుడ్‌లో ఓ చర్చ ఉంది.. టీడీపీకి వ్యతిరేకంగా ముఖ్యంగా టీడీపీ అధినేత చంద్రబాబు నాయుడు, జనసేన చీఫ్‌ పవన్‌ కళ్యాణ్‌పై సెటైరికల్‌గా ఈ మూవీని ప్రమోట్‌ చేసుకొని ఏపీ ఎన్నికలలో లబ్ది పొందాలని భావించింది వైసీపీ.. అయితే, ఈ మూవీకి విడుదలయిన మూడు రోజుల్లో కలెక్షన్లు పది లక్షలు దాటలేదని బాక్సాఫీస్‌ వర్గాలు చెబుతున్నాయి..
వర్మ ఈ మూవీని యూ ట్యూబ్‌లో రిలీజ్‌ చేసినా, అంతకుమించి ఎక్కువ కలెక్షన్లు వచ్చేవని సినీ విశ్లేషకులు, విమర్శకులు అభిప్రాయ పడుతున్నారు.. గత ఎన్నికలకు ముందు రామ్‌ గోపాల్‌ వర్మ లక్ష్మీస్‌ ఎన్టీఆర్‌ మూవీతో కొంతమేరకు ప్రభావం చూపినా, ఈ ఎన్నికలలో ఆయన ఢమాల్‌ వర్మ అయిపోయాడని, ఆయన చేసిన వ్యూహం మూవీలో చెప్పుకోదగ్గ సీన్‌ ఒక్కటి కూడా లేదనే వ్యాఖ్యలు వినిపిస్తున్నాయి.
వ్యూహం మూవీకి వచ్చిన కలెక్షన్లు కూడా జగన్ హార్డ్‌కోర్‌ ఫ్యాన్స్‌ అని, మరికొందరు థియేటర్లలో ఏసీ కోసం టైమ్‌ పాస్‌ కోసం వచ్చిన ప్రేక్షకులనే సెటైర్లు వస్తున్నాయి. బాక్సాఫీస్‌ దగ్గర ఇంతటి ఘోరమైన ఫలితం దక్కడంతో ఈ సినిమాపై ఆశలు పెట్టుకున్న వైసీపీ అధినేత జగన్, ఆయన భార్య భారతి షాక్‌ అయ్యారని, ఇక ఈ మూవీని సాక్షిలో కూడా ప్రమోట్‌ చెయ్యడం వృధా అనే నిర్ణయానికి వచ్చారని తెలుస్తోంది.. అందుకే, ఈ మూవీపై వైసీపీ సొంత చానెల్స్‌లోనూ ప్రమోషన్స్‌ తగ్గించారని, ఆ ఖర్చు కూడా వేస్ట్ అని ఓ అభిప్రాయానికి వచ్చారట..
మొత్తమ్మీద, రామ్‌ గోపాల్‌ వర్మ.. ఇమేజ్‌ మరింత మసకబారింది.. వ్యూహం సినిమాతో వైసీపీ బ్యాచ్‌ని ట్రాప్‌లో వేసుకొని వర్మ 50 కోట్లకుపైగానే సంపాదించారని, ఆయన అప్పులు తీర్చుకోవడానికి, ఆయన డెన్‌ని మోడర్నైజ్‌ చేసుకోవడానికి వర్మకి కలిసి వచ్చిందని, ఇంతకుమించి వర్మ సాధించింది ఏమీ లేదని చెబుతున్నాయి ఫిలిం నగర్‌ వర్గాలు..
