అతిలోక సుందరి శ్రీదేవి కెరీర్ ను మలుపుతిప్పిన చిత్రాల్లో ‘నగీనా’ ఒకటి. 1986లో వచ్చిన ఈ సినిమా శ్రీదేవి నటనా జీవితాన్ని గొప్ప మలుపు తిప్పింది. ఇందులోని ఆమె నటనకు ప్రేక్షకులు ఫిదా అయ్యారు. ‘నగీనా’ సినిమా ద్వారానే శ్రీదేవి స్టార్ హీరోయిన్ జాబితాలోకి చేరిపోయారు. ఆమె కెరీర్లో గొప్ప పెర్ఫార్మెన్స్ ఇచ్చిన చిత్రంగా నాగిని పాత్ర నిలిచిపోయింది.
తర్వాత ‘నాగిన’ సినిమాకు సీక్వెల్ తీశారు. కానీ ఆ సినిమా బాక్స్ ఆఫీస్ వద్ద బోల్తా కొట్టింది. అయినా నాగిన పాత్రకు బాలీవుడ్ లో చాలా క్రేజ్ ఉంది. అనేక మంది స్టార్ హీరోయిన్లు ఈ పాత్రపై మనసు పారేసుకున్నారు. ఈ పాత్రతో సినిమా చేద్దామని అనుకున్నారు. కాని ఎందుకనో కుదరలేదు. ఇంత క్రేజ్ ఉన్న ఈ పాత్రను మళ్ళీ ఇప్పుడు రీక్రియేట్ చేస్తూ ‘నాగిన్’ సినిమాను బాలీవుడ్ లో రూపొందించనున్నారు.
ఈ చిత్రంలో ‘సాహో’ సినిమా ఫేమ్ శ్రద్ధా కపూర్ కథానాయకిగా నటిస్తోంది. ‘నగీనా’ పాత్ర నటించనుండటం చాలా సంతోషంగా ఉందని శ్రద్ధా కపూర్ తెలిపింది. చిన్నతనం నుండి శ్రీదేవిగారు సినిమాలు చూస్తూ పెరిగానని, ఆమె నటించిన ‘నగీనా’ పాత్ర అంటే తనకు చాలా ఇష్టమని శ్రద్దా తెలిపింది. అలాంటి పాత్ర చేయాలని తనకి చాలా కోరికగా ఉండేదని, ఇప్పడు ఆ అవకాశం వచ్చిందని ఆమె ట్వీట్ చేసింది.
నిఖిల్ ద్వివేది నిర్మిస్తున్న ఈ సినిమాకు విశాల్ ఫురియా డైరెక్ట్ చేయనున్నారు. సహజంగానే ఈ సినిమాపై బాలీవుడ్ లో భారీ అంచనాలు నెలకొన్నాయి. ఇప్పటికే ఈ సినిమా ప్రీ ప్రొడక్షన్ పనులు మొదలయ్యాయని సమాచారం. ఈ సినిమా కోసం నిర్మాతలు ఒక భారీ సెట్ ను నిర్మించబోతున్నారని బాలీవుడ్ లో టాక్ నడుస్తోంది. శ్రీదేవి పాత్రకు శ్రద్ధా కపూర్ న్యాయం చేస్తుందో లేదో చూడాలి మరి.
It’s an absolute delight for me to play a Naagin on screen. I have grown up watching, admiring and idolising Sridevi ma'am's Nagina and Nigahen and have always wanted to play a similar role rooted in Indian traditional folklore.✨💜@Nikhil_Dwivedi @FuriaVishal @saffronbrdmedia
— Shraddha (@ShraddhaKapoor) October 28, 2020
