ఆదివారం వైశిష్ట్యం

ఆదివారం వస్తుందంటే చాలు అందరూ సంబరపడిపోతుంటారు. ఇంట్లో తమకు ఇష్టమైన వంటలు చేయించుకుని తింటుంటారు. మాంసాహార ప్రియులకైతే ఆదివారం పండుగే. ఆదివారానికి ఉన్న వైశిష్ట్యం ఎంతటిదో తెలుసుకుందామా?. సృష్టికి ఆద్యం ఆదివారమేనంటారు. దీనికి తోడు సూర్యుణ్ణి ప్రత్యక్ష భగవానుడిగా అందరూ భావిస్తుంటారు. ప్రస్తుతం మనం ఏ విషయాన్నైనా అన్వేషించాలంటే సూర్యుడి నుంచే ప్రారంభమవుతుంది… చివరకు సూర్యుడితోనే అంతమవుతుంది…
* సైన్స్ ప్రకారం అన్ని గ్రహాలూ సూర్యుడి చుట్టే తిరుగుతున్నాయి. విశ్వంలో ప్రతీ ప్రాణీ ప్రత్యక్షంగా సూర్యుడిపై ఆధారపడి ఉందన్నది సుస్పష్టం. వారంలోని ఇతర రోజుల్లో మాంసాహారం తప్పులేదుకానీ ఆదివారం మాత్రం మాంసాహారం తినవద్దని అంటుంటారు పండితులు.
* ఆదివారం మాంసాహారం తిన్నవారు శక్తి హీనులవుతారని మన వేదాల్లోనే ఉంది. ఉదాహరణకి ఈ రోజు నుంచి మీరు
ఆదివారాన్ని గమనించండి. ఆరోజున మిగిలిన రోజుల్లో లేని ఒక శక్తి ఉంటుంది. ఈ శక్తిని మన శరీరంలోకి ఆహ్వానించేంత చైతన్యం మనలో ఉండాలి. అందుకే ఆదివారం రోజు మాంసాహారాన్ని మానేసినవారు విజేతలు అవడం ఖాయం. దానికి తోడు ఆ సూర్యభగవానుడు సంపూర్ణమైన ఆరోగ్యాన్ని ప్రసాదిస్తారు…
* మన దేశానికి బ్రిటీష్ వారు వచ్చినపుడు భారతీయుల్లో ఉన్న మేధోశక్తికి సంపూర్ణ ఆరోగ్యానికి అబ్బురపడ్డారు. ఎందుకు భారతీయులు ఉత్తేజంగా… ఉల్లాసంగా.. సిరిసంపదలతో తులతూగుతున్నారో అన్వేషించారు. చివరకు ఆదివారం నాడు మన పూర్వీకులు అవలంబిస్తున్న నియమాలే అందుకు కారణమని తెలుసుకున్నారు…
* భారతీయుల్ని ఇలాగే వదిలేస్తే ప్రపంచాన్ని జయించగలరని అనుమానం ఇంగ్లీషువాళ్లల్లో కలిగింది. ఎలాగైనా సరే భారతీయుల్ని శక్తిహీనుల్ని చేయాలని భావించారట. దీంతో ఆదివారం రోజును సెలవుదినంగా ప్రకటించడంతో  పాటుఆ రోజున మద్యం మాంసంతో పాటు నియమాలు పాటించకుండా మానేసేలా చేశారు…
* ప్రపంచంలోని చాలా భాగాన్ని ఇంగ్లీషువారే పాలించడంతో ఆనాటి నుంచి ఆదివారం సెలవు దినంగా వారు ప్రకటించారు. కానీ తాము మాత్రం ఆదివారం నాడు కచ్చితంగా భగవంతుణ్ణి ఆరాధించేలా ఏర్పాట్లు చేసుకున్నారు. ఆరోజున తమ ప్రార్ధనాస్ధలాలకి రావాలనే నియమాన్ని పెట్టు కున్నారు…ఇలా మన ఆచారానికి మతం రంగు అద్దుకుని ఆదివారం నాటి శక్తిని క్రిస్టియన్లు పొందుతున్నారు. కానీ నాటి నుంచి మనం మాత్రం ఆదివారం ‘మందు… ముక్క’ అంటూ తమ తరతరాల ఆచారాన్ని పక్కదోవ పట్టించుకున్నాము…కాబట్టి ఇప్పటికన్నా ఆదివారం నాటి శక్తిని మనం గుర్తించాలి. ఆదివారం రోజున మన చేతనైన నియమాలు పాటించాలి, మన భవిష్యత్ తరాల కోసం – మన పిల్లలు అందరూ పాటించేలా చేయాలి. అలా చేస్తే ఆ శ్రీ సూర్యనారాయణుడి అనుగ్రహం మీకూ లభిస్తుంది సుమా.