మైక్రోసాఫ్ట్ వ్యవస్థాపకుడు బిల్గేట్స్ ఏపీ రాజధాని అమరావతికి వచ్చారు. ప్రపంచ కుబేరుడు మన రాష్ట్రానికి వచ్చాడంటే.. మైక్రోసాఫ్ట్ నుంచి ఎన్ని లక్షల కోట్ల పెట్టుబడులు వస్తున్నాయి.. ఆయనకు చెందిన గేట్స్ ఫౌండేషన్ ద్వారా ఎన్ని వేల కోట్ల ఛారిటబుల్ ఫండింగ్ తీసుకొస్తున్నారు అనే అంశాలపై చర్చ జరగాలి. కానీ దురదృష్టవశాత్తూ ఆంధ్రప్రదేశ్లో వైసీపీ సోషల్ మీడియా టాపిక్ని డైవర్ట్ చేసేసింది. ముఖ్యమంత్రి చంద్రబాబుని ఏమాత్రం పొగిడినా.. ఆయన అభివృద్ధి ఎజెండాకి చిన్నపాటి సహకారం అందించినా.. అలాంటి వాళ్లంతా బ్లూ మీడియా హిట్ లిస్టులోకి ఎక్కేస్తారు. ఇక వాళ్ల గురించి అడ్డూ, అదుపు లేకుండా హద్దుల్లేని విషప్రచారానికి తెగబడతారు.
జెఫ్రీ ఎప్స్టీన్కి సంబంధించిన ఫైల్స్లో బిల్గేట్స్ పేరుందని ఈ మధ్య వెలుగులోకి వచ్చింది. ఈ పాయింట్ని పట్టుకొని బాయ్కాట్ బిల్గేట్స్ అంటూ సోషల్ మీడియా క్యాంపెయిన్ ప్రారంభించారు వైసీపీ అనుకూల మేధావులు. బిల్గేట్స్ తప్పు చేశాడని అంత ఇదైపోతున్న వాళ్లంతా.. ఆయన కంపెనీకి చెందిన విండోస్ కంప్యూటర్లు వాడటం మానేశారా.. ఇదే ఎప్స్టీన్ ఫైల్స్లో ఉన్న ఎలాన్ మస్క్కి చెందిన ఎక్స్ ప్లాట్ఫాంని వదిలేశారా.. మార్క్ జుకర్బర్గ్ సొంతమైన ఫేస్బుక్, ఇన్స్టాగ్రామ్ ప్లాట్ఫాల నుంచి ఎగ్టిట్ అయ్యారా.. సెర్గీ లావరోవ్ స్థాపించిన గూగుల్ జీమెయిల్, ఆండ్రాయిట్ ఫ్లాట్ఫామ్స్ని నిషేధించారా అంటే.. అబ్బే అలాంటివేమీ ఉండవు. ఎందుకంటే వాళ్ల ఫేక్ ప్రచారాలకు ఈ ఫ్లాట్ఫామ్లే దిక్కు. ఏపీకి వస్తే.. అదీ రాష్ట్ర ప్రజలకు ఏదైనా మంచి చేసే కార్యక్రమాలను తలపెడితే మాత్రం.. విషం కక్కడానికి రెడీగా అయిపోతారు.
గతంలో ఎన్టీఆర్ శతజయంతి ఉత్సవాల సందర్భంగా సూపర్ స్టార్ రజనీకాంత్.. ముఖ్యమంత్రి చంద్రబాబును కొనియాడారు. ఇంక చూడండి.. ఎంత ధైర్యం ఉంటే చంద్రబాబును పొగుడుతారు అంటూ.. వైసీపీ సోషల్ మీడియా రజనీకాంత్ని ట్రోల్ చేసింది. ఇక బిల్గేట్స్ విషయానికి వస్తే.. ఎప్స్టీన్తో స్నేహం వల్ల ఆయన పెళ్లి పెటాకులైంది. సంపాదించుకున్న సంపదలో సగం పోయింది. ప్రపంచవ్యాప్తంగా చాలా చెడ్డపేరు మూటగట్టుకొన్నారు. చివరికి డజన్ల కొద్దీ సీబీఐ కేసులు ఎదుర్కొంటున్న వాళ్లు.. బాబాయ్ మర్డర్ కేసులో ప్రధాన నిందితులుగా ఉన్న వాళ్లు.. ప్రత్యర్ధులను బూతు తిట్టడమే రాజకీయం అనుకొనే వాళ్లు.. ఆ బూతు బ్యాచ్ని సపోర్ట్ చేస్తూ.. నిత్యం సోషల్ మీడియాలో బూతు పురాణాలు చెప్పే ఏపీ ఎప్స్టీన్స్ కూడా బిల్గేట్స్ని బాయ్కాట్ చేయాలంటున్నారు. బిల్గేట్స్కి ఇంతకంటే హోరమైన అవమానం.. దారుణమైన శిక్ష అమెరికాలో కూడా పడకపోవచ్చు.
