వ్యాక్సిన్ కోసం దేశ ప్రజలంతా ఎంతో ఆత్రుతగా ఎదురుచూస్తున్నారు. కొత్త సంవత్సర కానుకగా వ్యాక్సిన్ ఎప్పుడు.. ఎలా.. అనేవి వాటిపై ఒక నిర్ధారణ వస్తుందని ఆశిస్తున్నారు. ఈ రోజు ఫైజర్, కొవిషీల్డ్, కొవ్యాక్సిన్లు సమర్పించిన వివరాలను పరిశీలించనున్నట్లు డిసిజిఐ ఇప్పటికే తెలియజేసింది. కొవిషీల్డ్ సమాచారం పట్ల ప్యానెల్ అధికారులు సంతృప్తి వ్యక్తం చేసినట్లు తెలుస్తుంది. ఇక ఫైజర్ పూర్తి సమాచారం అందించడానికి గుడువు అడిగినట్లుగా తెలుస్తుంది. పూర్తి సమాచారం లేకుండా వ్యాక్సిన్కు అనుమతులు లభించే అవకావాలు తక్కువ. ఇక కొవ్యాక్సిన్ సమాచారం పట్ల సంతృప్తి ఉన్న క్లినికల్ ట్రయిల్స్ ఇంకా పూర్తికాకపోవడంతో.. అనుమతులకు బ్రేక్ పడే సూచనలు కనిపిస్తున్నాయి. విశ్లేషకులు అందిస్తున్న సమాచారం ప్రకారం.. కొవిషీల్డ్ టీకాకు అనుమతులు లభించే అవకాశాలు అధికంగా ఉన్నట్లు తెలుస్తుంది.
డబ్ల్యూహెచ్ఓ అనుమతులు పొందిన ఫైజర్
ప్రపంచ ఆరోగ్య సంస్థ (డబ్ల్యూహెచ్ఓ) ఫైజర్-బయోఎన్టెక్ టీకాకు ప్రపంచ వ్యాప్త అనుమతులు జారీ చేసింది. ఈ అనమతుల ఆధారంగా ఇప్పుడు ప్రపంచంలోని దేశాలు ఫైజర్కు త్వరితగతిన అనుమతులు జారీ చేసే అవకాశాలు ఎక్కువ. యుఎస్-జర్మనీ సంయుక్తంగా తయారుచేసిన ఈ ఫైజర్ వ్యాక్సిన్ మొదటగా బ్రిటన్లో అనుమతులు ఇచ్చారు. అంతేకాదు, డబ్ల్యూహెచ్ఓ అనుమతించిన తొలి వ్యాక్సిన్ ఫైజర్ కావడం విశేషం. డబ్ల్యూహెచ్ఓ అనుమతులతో వివిధ దేశాలలో సులభంగా ఎమర్జెన్సీ పంపిణీ, దిగుమతులకు అనుమతులు లభించే అవకాశాలు ఎక్కువ. డబ్ల్యూహెచ్ఓ అనుమతులు ఇవ్వడంలో యునిసెఫ్ వ్యాక్సిన్ పంపిణీని పర్యవేక్షవించనుంది. వ్యాక్సన్ అత్యవసరమైన దేశాలు, పేద దేశాలను గుర్తించి వ్యాక్సిన్ పంపిణీ కార్యక్రమాలను పాన్ అమెరికా హెల్త్ ఆర్గనేషన్-యునిసెఫ్ సంయుక్తంగా నిర్వహించబోతున్నాయి.
పాకిస్తాన్కి చైనా వ్యాక్సిన్ సాయం
పాకిస్తాన్కి, చైనా వ్యాక్సిన్ సప్లై చేయడానికి ఒప్పందాలు కుదిరాయి. దాదాపు 1 మిలియన్ డోసులు పాకిస్తాన్కి అందివ్వడానికి చైనా అనుమతించింది. సినోఫామ్ వ్యాక్సిన్కు ఎమర్జెన్సీ అనుమతులు జారీ చేసింది చైనా ప్రభుత్వం. ఈ నేపథ్యంలో సినోఫామ్ వ్యాక్సిన్ తమ దేశానికి అందివాల్సిందిగా పాకిస్తాన్ చైనాను కోరింది. వారు కోరుకన్న 1 మిలియన్ అందివ్వడానికి చైనా ఆమోదం తెలిపింది.
