మహారాష్ట్ర మాజీ ముఖ్యమంత్రి, బిహార్ ఎన్నికల ఇన్ ఛార్జ్ దేవేంద్ర ఫడణవీస్ కరోనా బారిన పడినట్లు తెలపడంతో శివసేన నేత, రాజ్యసభ సభ్యుడు సంజయ్ రౌత్ స్పందించారు. ఫడణవీస్ జాగ్రత్తలు తీసుకోవాలని సూచించిన రౌత్.. బయట కరోనా పరిస్థితి ఎంత తీవ్రంగా ఉందో ఆయనకు ఇప్పుడు అర్థమై ఉంటుందని అన్నారు. ముఖ్యమంత్రి ఉద్దవ్ ఠాక్రే ఇంటి నుంచి బయటకుు వచ్చేందుకు భయపడుతున్నారంటూ ఇటీవల ప్రతిపక్ష బీజేపీ విమర్శలు గుప్పించిన నేపథ్యంలో సంజయ్ రౌత్ ఈ వ్యాఖ్యలు చేశారు. ఇప్పుడు కరోనా బారినపడిన ఫడణవీస్ కు అత్యుత్తమ చికిత్స అందేలా ఠాక్రే చర్యలు తీసుకుంటున్నట్లు రౌత్ పేర్కొన్నారు.
తనకు కరోనా సోకినట్లు ఫడణవీస్ ట్విట్ చేసిన వెంటనే ఆయన కోలుకోవాలని నెటిజన్లు కోరుకున్నారు. కొందరు మాత్రం ‘వదిన చేతి అప్పడాలు తినాలని, పతంజలి కోర్నిల్ ట్యాబ్లెట్లు వాడాలని, గోమూత్రం తాగాలని’ సూచించారు.
‘లాక్ డౌన్ నుంచి తాను ప్రతి రోజు పని చేస్తున్నానని, భగవంతుడు తనకు కొంత విరామం ఇవ్వాలని అనుకున్నట్లు ఉన్నాడని, అందులో భాగంగానే తనకు కరోనా సోకినట్లు ఉందని’ ఫడణవీస్ తన ట్విటర్ ద్వారా తెలిపారు. వైద్యుల సలహా మేరకు చికిత్స తీసుకుంటున్నట్లు పేర్కొన్నారు. తనతో సన్నిహితంగా ఉన్నవారందరు కూడా కరోనా టెస్ట్ చేయించుకోవాలని ఫడణవీస్ కోరారు.
I have been working every single day since the lockdown but now it seems that God wants me to stop for a while and take a break !
I have tested #COVID19 positive and in isolation.
Taking all medication & treatment as per the advice of the doctors.— Devendra Fadnavis (@Dev_Fadnavis) October 24, 2020
