మెగాస్టార్ చిరంజీవి హీరోగా .. కొరటాల శివ దర్శకత్వంలో ప్రస్తుతం సెట్స్ మీదున్న మెసేజ్ ఓరియెంటెడ్ యాక్షన్ మూవీ ఆచార్య. కొణిదెల ప్రొడక్షన్ హౌస్, మ్యాట్నీ ఎంటర్ టైన్ మెంట్స్ బ్యానర్స్ పై సంయుక్తంగా నిర్మాణం జరుపుకుంటోన్న ఈ సినిమాలో రామ్ చరణ్ కీలక పాత్ర పోషిస్తున్న సంగతి తెలిసిందే. సిద్ధా అనే పాత్ర తో ఆయన తెరమీద దాదాపు 20 నిమిషాల సేపు కనిపిస్తారట. కాజల్ అగర్వాల్, పూజా హెగ్డే కథానాయికలు గా నటిస్తున్న ఈ సినిమాకి మణిశర్మ సంగీతం అందిస్తున్నారు. ఇటీవల విడుదలైన లాహే లాహే పాట అభిమానుల్ని అలరించింది.
ఇక ఆచార్య సినిమాని మే 13న విడుదల చేయబోతున్నట్టు మేకర్స్ ఇదివరకే ప్రకటించిన సంగతి తెలిసిందే. ఈ నేపథ్యంలో సినిమా చిత్రీకరణను స్పీడప్ చేశారు దర్శకుడు కొరటాల. అయితే ప్రస్తుతం కోవిడ్ సెకండ్ వేవ్ ఉధృతంగా ఉన్న నేపథ్యంలో ఆచార్య సినిమాను మే 13న విడుదల చేయడం లేదంటూ.. ట్విట్టర్ వేదిక గా ప్రకటించారు నిర్మాతలు. పరిస్థితులు చక్కబడిన తర్వాత కొత్త విడుదల తేదీని కూడా ప్రకటిస్తామని కూడా చెప్పారు.
మెగాస్టార్, మెగాపవర్ స్టార్ కలిసి తొలిసారిగా స్ర్కీన్ షేర్ చేసుకుంటోన్న నేపథ్యంలో సినిమా మీద అంచనాలు భారీగా పెరిగాయి. ఈ ఇద్దరి పాత్రలు అభిమానులకు గూస్ బంప్స్ తెప్పిస్తాయని వార్తలొస్తున్నాయి. ఈ నేపథ్యంలో మే 13 ఎప్పుడొస్తుందా అని ఎదురు చూస్తున్న మెగాభిమానులకు .. ఆచార్య విడుదల వాయిదా పడడం నిరాశను కలిగించేదే. అయితే కొద్దిరోజులు గా వస్తున్న రూమర్స్ ప్రకారం ఈ సినిమాను మెగాస్టార్ పుట్టిన రోజైన ఆగస్ట్ 22నే విడుదల చేస్తారేమో చూడాలి.
Keeping in view of the pandemic situation, #Acharya movie will not be releasing on May 13.
New Release date will be announced once the situation becomes normal.
Wear mask, Stay home & stay safe!#AcharyaPostponed
— Matinee Entertainment (@MatineeEnt) April 27, 2021
