హ్యాండ్సమ్ హీరో శ్రీకాంత్, బాలీవుడ్ బ్యూటీ దీప్తి భట్నాగర్ జంటగా నటించిన ఒకప్పటి సూపర్ హిట్ మ్యూజికల్ మ్యాజిక్ పెళ్ళిసందడి. దర్శకేంద్రుడు రాఘవేంద్రరావు మలిచిన ఆ ప్రేమ కావ్యం.. అప్పట్లో టాలీవుడ్ ను ఓ ఊపు ఊపింది. కీరవాణి సంగీతం, చంద్రబోసు, సిరివెన్నెల రాసిన పాటలు .. ఎవర్ గ్రీన్ గా నిలిచిపోయాయి. ఈ సినిమా విడుదలై… దాదాపు పాతికేళ్ళు అయిపోతోంది. అయితే చాన్నాళ్ళకి ఇప్పుడు ఈ సినిమాకి సీక్వెల్ ను రూపొందిస్తున్నారు రాఘవేంద్రరావు. అయితే ఈ సారి ఆయన దర్శకత్వ పర్యవేక్షణే చేసి.. గౌరీ రోనంకి ని దర్శకురాలిగా నియమించారు.
శ్రీకాంత్ తనయుడు రోషన్ హీరో గానూ, కొత్తమ్మాయి శ్రీలీల హీరోయిన్ గానూ ఈ సినిమా రూపొందుతోంది. దీనికి ‘పెళ్ళిసందD’ అనే టైటిల్ పిక్స్ చేశారు. అందులో D అనే ఇంగ్లీష్ లెటర్ కు సినిమాలో చాలా ప్రత్యేకత ఉందట. యం.యం. కీరవాణి అదే మ్యాజికల్ మ్యూజిక్ ను రీక్రియేట్ చేస్తున్నారని తెలుస్తోంది. ఇక రాఘవేంద్రరావు పుట్టిన రోజు సందర్భంగా ఈ రోజు ఈ సినిమాలో ప్రేమంటే ఏంటి? అనే లిరికల్ సాంగ్ ను విడుదల చేశారు మేకర్స్. అసలు రాఘవేంద్రరావు, కీరవాణి కలిస్తేనే .. ఓ పాటల పండుగ. మళ్ళీ ఇన్నాళ్ళకి ఆ మ్యాజిక్ రిపీట్ అయిందని ఈ పాటను వింటే తెలుస్తోంది. ప్రస్తుతం ఈ సాంగ్.. సోషల్ మీడియాలో వైరల్ గా మారింది. హరిచరణ్ శ్వేతా పండిట్ పాడిన ఈ పాటను చంద్రబోస్ రచించారు.
