‘పుష్ప’ సినిమాకోసం రంగంలోకి దిగిన ఆస్కార్ విజేత

ప్రస్తుతం అల్లు అర్జున్  సుకుమార్ దర్శకత్వంలో రూపొందుతున్న ‘పుష్ప’ సినిమాలో నటిస్తున్న సంగతి తెలిసిందే. పాన్ ఇండియా కేటగిరిలో బహుభాషల్లో ఈ మూవీ ఆగష్ట్  13న విడుదల కాబోతోంది. ఎర్ర చందనం స్మగ్లింగ్ నేపథ్యంలో యాక్షన్ థ్రిల్లర్ గా రూపొందే సినిమా కోసం సుక్కూ .. పాన్ ఇండియా స్థాయిలోనే  వివిధ భాషల నుంచి నటీనటుల్ని ఎంపిక చేసుకున్నాడు.

ఆల్రెడీ విలన్ గా మలయాళ టాలెంటెడ్ హీరో ఫహద్ ఫాజిల్ ను ఎంపిక చేశాడు దర్శకుడు. అలాగే..  హీరోయిన్ గా కన్నడ కస్తూరి , టాలీవుడ్ టాప్ సుందరి అయిన రష్మికా మందణ్ణను ఎంపిక చేశారు.

ఇక ఈ సినిమా కోసం సుకుమార్ మరో టాలెంటెడ్ టెక్నీషియన్ ను ఎంపిక చేశారు. ఆయన మరెవరో కాదు.. సౌండ్ డిజైనర్  రసూల్ పోకుట్టి. స్లమ్ డాగ్ మిలియనీర్ సినిమా కు గాను ఆస్కార్ అవార్డు అందుకున్న ఈయన పుష్ప సినిమా కోసం వర్క్ చేయనుండడం విశేషంగా మారింది. ఇది అడవుల నేపథ్యంలో సాగే థ్రిల్లర్ మూవీ కాబట్టి..  దానికి తగ్గట్టుగానే ఇందులో సౌండ్ మిక్సింగ్ అత్యంత సహజంగా ఉండాలనే ఉద్దేశంతో సుకుమార్ రసూల్ ను ఈ సినిమా కోసం ఎంపిక చేశాడు.

ఇటీవల ఈయన అరణ్య సినిమా కోసం పనిచేశారు.  ఈ నేపథ్యంలో  రసూల్ ను పుష్ప చిత్ర బృందం ఈ సినిమాలోకి ఆహ్వానిస్తూ..  ట్విట్టర్ లో ట్వీట్ చేశారు మేకర్స్.  నేడు బన్నీ పుట్టిన రోజు సందర్భంగా విడుదల కానున్న పుష్ప ప్రత్యేక వీడియో కు రసూల్ పని చేశారు.  మరి రసూల్ పోకుట్టి సౌండ్స్ పుష్ప సినిమాకి ఏ రేంజ్ లో హైలైట్ అవుతాయో చూడాలి.

Must Read ;- ‘పుష్ప’ రాజ్ డబ్బింగ్ మొదలుపెట్టాడు!

Academy Award Winning Sound Designer @resulp on-board for #Pushpa 🔥#PushpaRaj#IntroducingPushpaRaj@alluarjun @iamRashmika #FahadhFaasil @aryasukku @ThisIsDSP @adityamusic @PushpaMovie @MythriOfficial pic.twitter.com/v7cAEiHsgm

— BA Raju's Team (@baraju_SuperHit) April 7, 2021