ఒక సాధారణ గుమాస్తా కుమార్తె జాక్ పాట్ కొట్టింది.అమెజాన్ వంటి ప్రముఖ సంస్థలో గొప్ప అవకాశం సంపాదించుకుంది. శ్రీకాకుళం జిల్లా పలాసకు చెందిన కొంచాడ స్నేహ కిరణ్ విశాఖలోని అనిట్స్ ఇంజనీరింగ్ కళాశాలలో కంప్యూటర్ సైన్స్ నాలుగవ సమవత్సరం చదువుతోంది. కాగా 2021 డిసెంబర్ లో జరిగిన క్యాంపస్ ఇంటర్వ్యూకు హాజరైన స్నేహను సాఫ్ట్ వేర్ డెవలపర్ గా ఎంపిక చేసింది. ఇక వార్షిక జీతం 44 లక్షలుగా అమెజాన్ సంస్థ నిర్ణయించింది. ఈ మేరకు స్నేహాకు అమెజాన్ సంస్థ సమాచారం ఇచ్చింది. ఇక స్నేహ సాధించిన విజయం పట్ల హర్షాతిరేకాలు వ్యక్తం అవుతున్నాయి. స్నేహ సహాయ ఆమె కుటుంబ సభ్యులందరి ఆనందానికి అవధులు లేకుండా పోయాయి. వాస్తవానికి స్నేహది ఒక సాధారణ కుటుంబ నేపధ్యం. ఆమె తండ్రి సింహాచలం జీడి పరిశ్రమలో గుమాస్తాగా విధులు నిర్వహిస్తున్నారు.తన రెక్కల కష్టంతో కుమార్తెను ఉన్నత చదువులు చదివించాడు. కాగా తన కష్టాన్ని, నమ్మకాన్ని వమ్ము చేయకుండా కుమార్తె సాధించిన ఈ ఘనత పట్ల సింహాచలం పొంగిపోతున్నాడు.
Must Read:-అమెజాన్ లో గోవా బ్యూటీ ఇలియానా టాక్ షో
