సికింద్రాబాద్లో ఘోర అగ్నిప్రమాదం సంభవించింది. బోయిగూడలోని టింబర్ డిపోలో జరిగిన ఈ ప్రమాదంలో 11 మంది వలస కార్మికులు సజీవ దహనం అయ్యారు.ప్రమాద సమయంలో 12 మంది కార్మికులు గోదాంలో ఉన్నట్లుగా తెలుస్తోంది.11 మంది మృతి చెందగా ఒకరు మాత్రం గాయాలతో బయటపడ్డారు.షార్ట్ సర్క్యూట్ ప్రమాదానికి కారణంగా తెలుస్తోంది. తెల్లవారుజామున 4 గంటల ప్రాంతంలో ఈ ప్రమాదం సంభావిచినట్లుగా తెలుస్తోంది.గోదాంలో మంటలు చెలరేగడంతో స్థానికులు భయబ్రాంతులకు గురయ్యారు. మంటలు వ్యాపించిన వెంటనే ఫైర్ ఇంజన్కు సమాచారం అందించారు.ఫైర్ సిబ్బంది 8 ఫైర్ ఇంజన్ల సాయంతో మంటలను అదుపులోకి తీసుకువచ్చారు.వెంటనే రంగంలోకి దిగిన రెస్క్యూ టీమ్ 11 మంది కార్మికుల మృతదేహాలను బయటికి తీశారు. అనంతరం పోలీసులు ఆ మృతదేహాలను పోస్టుమార్టం నిమిత్తం గాంధీ ఆస్పత్రికి తరలించారు. మృతులంతా బీహార్ రాష్ట్రానికి చెందిన వలస కూలీలుగా అధికారులు చెబుతున్నారు. మృతులు బిట్టు, సికిందర్‌, దినేష్‌, దామోదర్, చింటు, సికిందర్‌, రాజేష్‌, రాజు, దీపక్‌, సత్యేందర్, పంకజ్‌గా గుర్తించారు. ఇక ప్రమాదానికి సంబంధించి గోదాం యజమానిని సంపత్ ను పోలీసులు అదుపులోకి తీసుకుని విచారిస్తున్నారు.
ఇక అగ్ని ప్రమాద ఘటన పై తెలంగాణ ముఖ్యమంత్రి కేసీఆర్ తీవ్ర దిగ్భ్రాంతి వ్యక్తం చేశారు. అగ్ని ప్రమాద మృతులకు ఆయన సంతాపం తెలిపారు. ప్రమాదంలో మరణించిన వారి కుటుంబానికి ఒక్కొక్కరికీ 5 లక్షల చొప్పున ఎక్స్‌గ్రేషియాను సిఎం కేసీఆర్ ప్రకటించారు. వలస కార్మికుల మృతదేహాలను వారి స్వస్థలాలకు తరలించేందుకు ఏర్పాట్లు చేయాలని సీఎస్ సోమేష్ కుమార్‌ను ఆయన ఆదేశించారు.
అగ్నిప్రమాద ఘటనపై టి.కాంగ్రెస్ సీనియర్ నేత వి.హెచ్ స్పందించారు. ప్రమాదంలో 11 మంది కూలీలు సజీవ దహనమవడం చాలా బాధాకరమని ఆయన తెలిపారు. తెలంగాణ ప్రభుత్వం ఇచ్చే 5 లక్షల నష్ట పరిహారం సరిపోదన్న ఆయన ఒక్కొక్క కూలీ కుటుంబానికి కనీసం 25 లక్షల ఎక్స్ గ్రేషియా ఇవ్వాలని ఆయన కోరారు. అదేసమయంలో స్థానిక శాసన సభ్యుడు కూడా బాధిత కుటుంబాలకు ఒక్కొక్కరికి 5 లక్షలు ఇచ్చి చనిపోయిన వారి కుటుంబాలను ఆదుకోవాలని హనుమంత రావు డిమాండ్ చేశారు.ఈ అంశాన్ని రాజకీయంగా కాకుండా మానవతా దృక్పధంతో ఆలోచించి, ప్రమాదంలో చనిపోయిన కార్మికుల కుటుంబాలను ఆదుకోవాలని వీహెచ్ కోరారు.
Must Read:-కాంగ్రెస్ గతే.. వైసీపీకి పడుతోంది! సంచలన ఆరోపణలు చేసిన ఆనం!
