అందరూ ఒకటి తలిస్తే నాగార్జున ఒకటి తలిచాడు. ఈరోజు అమ్మ రాజశేఖర్ కు శాపంగా మారతుందనుకుంటే అది కాస్తా వరంగా మారింది. ఏకంగా కెప్టెన్ పదవే వరించేసింది. ఇక వచ్చే వారం కూడా అతను ఎలిమినేషన్ లో ఉండడు. అమ్మ రాజశేఖర్ కు ఈరోజు ఎలిమినేషన్ ఉండదని లియో న్యూస్ ముందే చెప్పినట్టుగానే నాగార్జున ట్విస్ట్ ఇచ్చేశాడు. అందరూ అమ్మ రాజశేఖర్ ఎలిమినేట్ అవుతాడని అనుకున్నారు. బిగ్ బాస్ 4లో 56వ రోజు ఎలిమినేషన్ రోజు అయ్యింది. ఈరోజు అమ్మ రాజశేఖర్, మెహబూబ్ లలో ఒకరు ఎలిమినేట్ కాక తప్పదని అందరూ అనుకున్నారు. కానీ చివరలో నాగార్జున ట్విస్ట్ ఇచ్చారు.
అసలు తెరవెనుక ఏం జరిగిందన్న ఆసక్తి నెలకొంది. ఈరోజు ఎలిమినేషన్ లేకపోవడానికి కారణం నోయలేనని తేలింది. ఎలాగూ తాను వెళ్లిపోతున్నాడు కాబట్టి ఈరోజు ఎలిమినేషన్ వద్దని కోరాడట. ఈ వారం మెహబూబ్, అమ్మ రాజశేఖర్లలో ఒకరు ఇంటికి వెళ్తారంటూ రెండు మూడు రోజులుగా వార్తలొస్తున్నాయి. చివరి వరకు ఓటింగ్లో పోటీ పడుతూ వచ్చినా ఇంటి సభ్యుల ఓటింగ్ లో మాత్రం అమ్మ రాజశేఖర్ ఓడిపోయాడు. అరియానా, అమ్మ రాజశేఖర్, మెహబూబ్ ఎలిమినేషన్ జాబితాలో ఉన్నారు. అరియానా సేఫ్ జోన్ లోకి వెళ్లిపోయింది. ఇక మెహబూబ్, అమ్మ రాజశేఖర్ మిగిలారు. వాళ్లిద్దర్నీ కూడా కన్ఫెషన్ రూమ్కు పిలిచాడు నాగ్. ఆ తర్వాత ఇంటి సభ్యుల అభిప్రాయాలు తీసుకున్నారు నాగార్జున. వీరిలో ఎవరు ఉండాలి, ఎవరు వెళ్లిపోవాలి అని హౌస్ మేట్స్ను అడరు.
8 మందిలో ఆరుగురు మెహబూబ్ ఉండాలన్నారు. అమ్మకు అండగా మాత్రం అరియానా, అవినాష్ నిలబడ్డారు. చివరికి అమ్మ రాజశేఖర్ ఎలిమినేట్ అయినట్టు చెప్పారు. బట్టలన్నీ సర్దుకుని వెళ్లిపోవడానికి సిద్ధమైన అమ్మ రాజశేఖర్ ను ఆపి నువ్వు సేఫ్ అని చెప్పేశాడు నాగార్జున. చివరి ఇచ్చిన ట్విస్ట్ అదే మరి. నోయల్ ఈ వారం అనారోగ్యం కారణంగా వెళ్లిపోవడంతో ఎవర్నీ ఎలిమినేట్ చేయొద్దంటూ బిగ్ బాస్ను కోరాడట. దాంతో వెళ్లిపోవాల్సిన అమ్మ రాజశేఖర్ ఆగిపోయాడు. అంతేకాదు వచ్చే వారం కెప్టెన్సీ పోటీదారుడు కూడా అయిపోయాడు. మొత్తానికి ఈవారం బిగ్ బాస్ లో అందరూ ఒకటి తలిస్తే నాగార్జున ఇంకోటి తలిచాడు. ఎవరి ఊహలకూ అందనంత ట్విస్ట్ ఇచ్చేశాడు.
