మెగాస్టార్ చిరంజీవి – బ్లాక్ బస్టర్ డైరెక్టర్ కొరటాల శివ కాంబినేషన్ లో రూపొందుతోన్న క్రేజీ మూవీ ఆచార్య. ఈ సినిమా టీజర్ రిపబ్లిక్ డేకి రిలీజ్ చేస్తారనుకుంటే.. జనవరి 29న రిలీజ్ చేశారు. ఇలా టీజర్ రిలీజ్ చేశారో లేదో కానీ.. అలా యూట్యూబ్ లో రికార్డ్ వ్యూస్ తో దూసుకెళుతుంది. ఇదిలా ఉంటే.. ఆచార్య టీజర్ 29న విడుదల చేయడం వెనకున్న సీక్రెట్ ఏంటంటే.. 29న చిరంజీవి తల్లి అంజనా దేవి పుట్టినరోజు.
అందుకనే అమ్మ పుట్టినరోజు సందర్భంగా ఆచార్య టీజర్ రిలీజ్ చేశారు చిరంజీవి. తల్లి అంజనా దేవి పుట్టినరోజు సందర్భంగా చిరంజీవి కుటుంబం సమావేశమైంది. చిరంజీవి, తమ్ముళ్లు జనసేన చీఫ్, పవర్ స్టార్ పవన్ కళ్యాణ్, నాగబాబుతో పాటు సిస్టర్స్ విజయ దుర్గా, మాధవి కలిసి ఈ పుట్టినరోజు వేడుకలు జరుపుకున్నారు. ఈ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి. చిరంజీవి ట్విట్టర్ లో జన్మనిచ్చిన అమ్మకు జన్మదిన శుభాకాంక్షలు అని తెలియచేస్తూ.. ఓ వీడియో రిలీజ్ చేశారు.
ఇక మెగా బ్రదర్ నాగబాబు తన ఇన్స్టాగ్రామ్లో స్పందిస్తూ.. కొంతమంది మాకు అనంతమైన ఆనందాన్ని ఇస్తారు. అమ్మ పుట్టినరోజు ఎప్పటికీ మరచిపోలేని ఆనందాన్ని ఇచ్చింది అంటూ ఫోటోలను పోస్ట్ చేశారు. ఆచార్య టీజర్ విషయానికి వస్తే.. ఇందులో ఉన్న ఆధ్యాత్మిక కోణం బయటపడింది. మంచి కోసం యజ్ఞం చేస్తున్న టైమ్ లో కొంత మంది ఆ గ్రామస్ధుల పై దాడి చేయడం.. ఆ గ్రామస్ధులకు ఆచార్య అండగా నిలవడం అనేది టీజర్ లో కనిపించింది. చిరు – చరణ్ కలిసి నటిస్తున్న ఈ ప్రతిష్టాత్మక చిత్రం ఆచార్య మే 13న ప్రేక్షకుల ముందుకు వచ్చేందుకు రెడీ అవుతోంది.
Must Read ;- ‘ఆచార్య’ వెర్సెస్ ‘నారప్ప’
జన్మనిచ్చిన అమ్మకి జన్మ దిన శుభాకాంక్షలు! #HappyBirthdayAmma pic.twitter.com/3f9sZg5PXy
— Chiranjeevi Konidela (@KChiruTweets) January 29, 2021
